HOSEA 10:2 - KITTA' MATANGKASA'

² Anjo sikamma tau a'jekkoa atinna, kamma-kamma anne musti natanggongi hukkunganna dosana. LaNaancuruki Allata'ala tampa' pakkoro'bangnganna ke'nanga, siagang Naruntungi patung-patung barhalana ke'nanga.

HOSEA 10:2 Iomraidhean Croise

1 KARAENG-KARAENG 18:21

Nampa nareppesi Elia anjo ra'yaka na nakana, “Sa'ge kemaepi ero'nu a'rua nyawa? Punna Batara, Batara musti nusomba. Punna anjo Baal Allata'ala, iami nusomba.” Anjo ra'ya' niaka a'rappungang, tena nia' akkana.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YEREMIA 43:13

Sikamma patung-patunna barhalaya ri Heliopolis ri Mesir, laniancuru' ngasengi, siagang sikamma balla'-balla' rewataya ri Mesir lanitunui sa'genna la'busu'.”

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

HOSEA 7:8

Nakana Batara, “Bansa Israel assibengkoroki siagang bansa-bansa maraeng niaka ri tammulilina ke'nanga, sa'genna a'jari ke'nanga rapang roti ti'no' sualia.

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

MIKHA 5:13

Patung-patunna Dewi Asyera ri pa'rasangannu laKurumbangi siagang kota-kotanu niaka pattahanganna laKuancuruki.

ZEFANYA 1:5

LaKubarrasaki sa'genna tangkasa' inai-nai mamo naika ri pattongko'na ballaka untu' anynyomba ri matanna alloa, bulanga siagang sikamma bintoenga. LaKupa'lanynya' tongi ke'nanga anynyombaya mae ri Nakke siagang assumpaya lamajarre' mae ri Nakke, mingka assumpa tongi lanri arenna Rewata Milkom.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

LUKAS 16:13

Tenanniakka se're tau akkulle anjama mae ri ruaya pinggawa; nasaba' nia' lala'bi nakamaseangngang na maraengannaya, yareka la'bi jarrekangngangi pa'mai'na ri se'reanga na maraengannaya. Na nia' tanakamaseang. Kamma ngaseng tommako anjo. Takkulleako anjama-jama untu' Allata'ala nuanjama-jama todong untu' pa'barang-baranganga.”

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

1 YOHANES 2:15

Teako karimangngi dudui anne linoa, yareka apa-apa mamo niaka ilalang ri anne linoa. Punna nukarimangngi dudui linoa, tenamo nalanukarimangngi Manggea.

1 SAMUEL 5:4

Mingka ammukona, ri bari'basa'na, naciniki ke'nanga tu'guru'moseng anjo patunga ri dallekanna anjo Patti Parjanjianga. Anjo wattua tassa'la'mi ulunna siagang rua limanna anjo patunga, ta'dongko' ri dallekanna pakke'buka. Kalenna mami anjo patunga kamma biasa. (