HOSEA 10:11 - KITTA' MATANGKASA'

¹¹ Riolo Israel sanrapangi sapi rungka le'baka nilati baji', na nangai allessoroka gandung. Tena naparallu Kusarei pisangngang salangganna ga'gaya. Mingka kamma-kamma anne le'ba'mi Kupattantu angkanaya musti anjama battalaki. Kusuroi Yehuda appa'jeko, siagang Israel Kusuroi a'nangkala.

HOSEA 10:11 Iomraidhean Croise

YESAYA 28:24

Se'rea pamarri tena natulusu' lappa'jeko, ammingkung, siagang a'nangkala ri buttaya untu' nalamungi.

YEREMIA 28:14

Batara Kaminang Koasaya, Allata'alana Israel Napaui angkana laNapatabai lembarang bassia ri salangganna sikontu anne bansaya, siagang lanapa'jari atai kalenna ke'nanga mae ri Nebukadnezar, karaeng Babel. Napau tongi Batara angkanaya manna olo'-olo' sekkeka laNapassareang tongi antama' ri kakoasanna Nebukadnezar.”

YEREMIA 46:20

Mesir rapangi ana' sapi co'mo', mingka niganggui ri katingalo lompo battu wara'.

YEREMIA 50:11

Nakana Batara, “He tu Babel, nuellaki ummakKu. A'lumpa'-lumpakko napakamma rannu rapang jarang assa'raya, siagang rapang sapi a'rukuka.

HOSEA 11:4

Lanri sikontu pangngamaseangKu naKupa'reppese' mae ri KalengKu. Kupakaringangi sikontu kasessanna, siagang ri lammoro'na pa'maikKu naKusarei kanre.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

HOSEA 3:1

Nakana Batara ri nakke, “A'lampako pole siagang angngaiko pole sitau baine nangaia a'gau' bawang. Mangngaiko ri ia sangkamma iNakke mangngaiA' ri tu Israel manna pole nabokoiA' ke'nanga nanynyomba ri barhala-barhala maraenga siagang nangai assare kanrejawa kismis mae ri barhalaya.”

HOSEA 4:16

Ikau ngaseng, he tu Israel, sanna' kapala batunu ngaseng! Antekamma bateKu langkalawakiko sangkamma gimbalaka ri parang rukuka?”

HOSEA 9:1

He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

MIKHA 4:13

Nakana Batara, “He pandudu'na Yerusalem, a'lampamako mange angngonjo'-onjokangi musunnu! LaKupakagassingko rapang sapi attanru' bassia siagang akkanuku tambagaya. Lanuancuruki jaia bansa, siagang kakalumanynyangngang wassele' narampasaka ke'nanga lanupassareangi mae ri Nakke, Batarana sikontu linoa.”

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

PAOLE 25:4

Teako jempangi bawana sapi nupakea allessoro' gandung.”