HOSEA 1:6 - KITTA' MATANGKASA'

⁶ Nampa allassukang bainengku ana' makaruana ikambe, iamintu sitau ana' baine. Nakana Batara ri nakke, “Hosea, arengi anjo ana'nu ‘Tenaya Nikamaseangi’, lanri tenamo nalaKukamaseang bansa Israel siagang tena sikalimo nalaKupammopporang ke'nanga.

HOSEA 1:6 Iomraidhean Croise

2 KARAENG-KARAENG 17:20

jari tenamo Naani Batara sikontu umma' Israel. Nahukkungi siagang Napassareangi ke'nanga mae ri musu-musunna ke'nanga sannaka palla'na. Tenamo naNaparhatikangi ke'nanga, passangalinna Napelaki ke'nanga battu ri butta Napassareanga mae ri ke'nanga.

2 KARAENG-KARAENG 17:6

iamintu ri makasalapannamo taung ammarenta Hosea, naempoimi Salmaneser Samaria. Nampa naengka' tu Israel salaku tunitahang mange ri Asyur. Sipa'gang battu ri ke'nanga nitampakkangi ri kota Halah, sipa'gang maraengannaya ri ampi'na Binanga Habor ri daera Gozan, nampa sipa'gang pole ri kota-kota niaka ri pa'rasangang Madai.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

HOSEA 1:8

Le'baki ana'na ikambe makaruaya nisa'la' susu, tianammi pole bainengku nampa allassukang sitau ana' bura'ne.

HOSEA 2:23

LaKupa'jari salewangangi tallasa'na ummakKu siagang ammantang tuli ri pa'rasanganna ke'nanga. Ri ke'nanga nigallaraka ‘Tenaya Nikamaseangi’ laKupappicinikangi angkanaya Kukamaseangi ke'nanga, na ri ke'nanga nigallaraka ‘Teai UmmakKu’, laKukanai, ‘Ikau Ngaseng UmmakKuko’. Lappiali ke'nanga kamma anne, ‘IKatte Allata'alana ikambe.’ ”

HOSEA 2:4

Ikau ana'-ana'na, tena nalaKukamaseangko; ikau lassukko battu ri gau' passundallang.

AMOS 7:8

Akkuta'nangi mae ri nakke angkana, “Apa nucini' Amos?” Appialima' angkana, “Otere' pa'ladung ammenteng lambusu', Batara.” Nampa Nakanamo Batara, “Kupakei anne pa'ladunga untu' ampappicinikangi angkanaya ummakKu rapangi tembo' tenaya nammenteng lambusu'. Tenamo nalaKupinra poleang rancanaKu, ma'nassa laKuhukkungi ke'nanga.

AMOS 9:8

INakke, Batara Kaminang Tinggia, amparhatikangi anne kakaraenganna Israel dorakaya, siagang laKupa'lanynyaki ke'nanga battu ri buttaya. Mingka jari-jarina Yakub tena nalaKupanraki ngaseng. INakke, Batara, anne akkana.

1 PETRUS 2:10

Riolo teaiko umma'Na Allata'ala, mingka kamma-kamma anne umma'Na mako Allata'ala. Riolo tanikamaseangako ri Allata'ala; mingka kamma-kamma anne nutarimami pangngamaseanNa.