HAKING-HAKING 8:3 - KITTA' MATANGKASA'

³ Ikau ngasemmi nisare koasa battu ri Allata'ala sa'genna akkulle nubuno Oreb siagang Zeeb, anjo ruaya pamimpinna tu Midian! Punna nibilangi anjo, apa jasaku inakke?” Le'baki akkana kamma Gideon, ammarimi larro ke'nanga.

HAKING-HAKING 8:3 Iomraidhean Croise

PAMMUJI 115:1

Teai ikambe, o, Batara, teai ikambe, mingka iKatteji musti nipuji, saba' iKatte tamamminraya siagang tuli mangngamaseang.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PANGNGEBARANG 15:1

Pappiali lammaya, ampa'jari naungi larroa; pappiali passea appaumbai larro.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 25:11

Tangara' nipasuluka ri wattu coco' sikalia sanrapangi rappo bulaeng lalang ri panne pera'.

PANGNGEBARANG 25:15

Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.

YOHANES 4:37

Annabami anne bicara angkanaya, ‘Se'reanga a'lamung, namaraenganga akkatto.’

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

ROMA 12:6

Massing nia' pakkulle untu' allayani Napassareang Allata'ala mae ri katte, tenaya nasangkamma ngaseng. Anjo pakkullea, passare battu ri Allata'ala lanri pangngamaseanNa mae ri katte. Lanri kammana, musti nipakei anjo pakkullea. Tau anggappaya passare untu' ambirittakangi biritta battua ri Allata'ala, musti nabirittakangi situru' pakkullena anjo biritta battua ri Allata'ala.

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

HAKING-HAKING 8:2

Mingka appialimi Gideon angkana, “Tena nasiapa anggaranna apa kugaukanga na ia apa nugaukanga ngaseng. Manna nasike'de'ja anjo apa nugaukanga, mingka anjo apa sike'deka lompoangngangi anggaranna na anjo nagaukanga sikontu taungku.

HAKING-HAKING 8:4

Anjo wattua battumi Gideon siagang anjo tallum bilangnganga taunna ri ba'leanna Binanga Yordan. Mangngang sikalimi ke'nanga mingka tuli naondanna ija musunna.