HAKING-HAKING 7:2 - KITTA' MATANGKASA'

² Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.

HAKING-HAKING 7:2 Iomraidhean Croise

PA'JARIANG 46:2

Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

YESAYA 10:13

Lompo bicarami karaeng Asyur, nakana, “Yangasenna anjo kugaukangi lanri kagassingang kalengku. Inakke cara'deka' siagang porea'. Kupelaki pa'baeng-baenna bansa-bansaya, kurampasaki parsadiaanna ke'nanga. Rapang tedong romang, kuonjo'-onjokangi sikamma tau ammarentaya.

YESAYA 2:11

Tau borroa lanipakatunai na tau tampoa lanipa'dundui. Bataraji bawang nipakalompo.

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEHEZKIEL 28:17

Tanja'nu gammaraka angngerangko mae ri tampoa siagang anjo masahoro'nu a'jari saba' nuppanggaukang tolo. Lanri kammana anjo, Kupatappasakko naung ri buttaya siagang Kupa'jariko pappakainga' mae ri karaeng-karaeng maraenga.’ ”

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

ZAKHARIA 12:7

INakke, Batara, lauru-uru assarei pammetang tantara Yehuda, sollanna tena nalompoangngang kala'birang natarimaya jari-jarina Daud siagang pandudu' Yerusalem, nakala'birang natarimaya pandudu'na Yehuda maraenga.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

PAMMILANGNGANG 31:4

Battu ri massing suku bansa Israel, musti appasadiako sisa'bu tantara untu' maju mange a'bundu'.”

ROMA 11:18

Lanri kammana, teako cini' tunai anjo tau sanrapang le'baka nitoto sangkamma anjo tangke-tangkea. Musti nuu'rangi angkanaya ikau sanrapang poro tangke jako bawang. Nateai tangkea assarei kanre anjo akaka, passangalinna anjo akaka assarei kanre anjo tangkea.

ROMA 3:27

Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

PAOLE 32:27

Mingka takkulleai tinggi pa'mai' musunna Israel, rapang nibetai bansaKu lanri ke'nanga,’ nasaba' iNakke bawang, iNakke bawang, anggaukangi anjo sikammaya.

PAOLE 8:17

Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”