HAKING-HAKING 7:19 - KITTA' MATANGKASA'

¹⁹ Ri la'birinnamo lantang bangngia, battumi Gideon siagang taunna mange anjoreng ri pa'baeng-baenna tampa' kemana musunna. Anjo wattua beru nisambei tau a'jagaya ri anjo tampa' kemaya. Nanatui'mo tarompe'na Gideon siagang tarompe'na sikontu tau niaka ri reguna, na nasungke tommo pammantangang sulona.

HAKING-HAKING 7:19 Iomraidhean Croise

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

PAMMUJI 90:4

Untu' iKatte sisa'bua taung sanrapang sialloji, allalomi allo subangngia; sanrapang passisambeang a'jaga ri wattu bangngi.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

MATIUS 25:6

Ri lantannamo bangngia, nampami nia' sa'ra akkio' angkana, ‘Nia' minjo mae bunting bura'nea! Umba niruppai!’

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

HAKING-HAKING 7:16

Nampa nabage tallu Gideon anjo tallum bilangnganga taunna, a'jari tallu regu. Tase're-se're tau massing nisarei tarompe', siagang se're pammantangang sulo.

HAKING-HAKING 7:18

Punna kutui' tarompekku siagang natui' ngaseng tarompe'na tau niaka ri reguku, musti nutui' ngaseng tongi tarompe'nu nampa musti ammarrang ngasengko ri tammulilina anjo kemaya, angkana, ‘Untu' Batara siagang untu' Gideon!’ ”

HAKING-HAKING 7:20

Kammatommi anjo nagaukang anjo ruaya regu. Nampa naangka' ngasemmo siagang lima kairinna sikontu sulo naeranga ke'nanga. Kammayatompa natui' ngasemmi tarompe'na niaka ri lima kananna ngaseng ke'nanga. Nampa ammarrang ngaseng ke'nanga, “Pa'dang untu' Batara siagang untu' Gideon!”