HAKING-HAKING 4:7 - KITTA' MATANGKASA'

⁷ LaKupabattui sallang Sisera mae ri kau ri Binangana Kison, siagang tantarana, kammayatompa kareta-kareta bundu'na untu' ambundukiko. Mingka laKusareko pammetang lalang ri anjo pa'bundukanga.’ ”

HAKING-HAKING 4:7 Iomraidhean Croise

1 KARAENG-KARAENG 18:40

Jari nakanamo Elia, “Jakkala' ngasengi anjo na'bi-na'bi Baal! Teako lappassangi nia' ta'lappasa' manna sitau!” Nampa nijakkala' ngasemmo anjo na'bi-na'bia ri anjo taua. Nampa nierang anjo na'bi-na'bi Baal ri Elia mange ri Binanga Kison, nanabuno ngaseng ke'nanga anjoreng.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 14:8

Memang Batara ampa'jari kapala batui anjo karaenga, sa'genna naondang tu Israel niaka sitabang a'jappa ambokoi anjo pa'rasanganga nipimpinga ri Batara.

KALAPPASSANG 21:13

Mingka punna tena nakunjungi natunrung siagang tena pattujunna lammuno, akkullei lari mange ri se'reang tampa' eroka Kupicinikiangko sallang, siagang anjoremmi lanila'langngi.

YOSUA 10:8

Nakana Batara ri Yosua, “Teako mallakki mae ri ke'nanga. Le'ba'mi Kupattantu laKupassareang pammetanga mae ri kau; lanri kammana anjo tena manna sitau ri ke'nanga akkulle attahang angngewako.”

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

YOSUA 8:7

Iaminjo wattua numusti assulu' battu ri tampa' paccokkoannu, siagang nualle anjo kotaya. Karaeng Allata'alanu lampassareangi mae ri kau.

HAKING-HAKING 4:14

Nampa nakanamo Debora ri Barak, “Maju mako! Batara ampimpingko. Anne alloa Nasareko pammetang mae ri Sisera.” Jari naummi Barak battu ri Moncong Tabor, siagang anjo sampuloa sa'bu taunna.

HAKING-HAKING 4:8

Angkanami Barak ri Debora, “Punna amminawanjako, ero'ja' a'lampa. Mingka punna tena, tena todong nakuero' a'lampa.”

HAKING-HAKING 5:21

Allumpami je'ne'na Binanga Kison allo'lorangi musua. Maju, majumako tubarani, ikau nyawaku!

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.