HAKING-HAKING 4:4 - KITTA' MATANGKASA'

⁴ Anjo wattua a'jari pamimpinga ri Israel, iamintu sitau na'bi baine niarenga Debora, bainenna Lapidot.

HAKING-HAKING 4:4 Iomraidhean Croise

2 KARAENG-KARAENG 22:14

Jari a'lampami Hilkia, Ahikam, Akhbor, Safan siagang Asaya mange appala' pangngunju' ri sitau baine niarenga Hulda, iamintu na'bi niaka ammantang ri pakkampongang berua ri Yerusalem. Bura'nenna niarengi Salum ana'na Tikwa, cucunna Harhas; jama-jamanna iamintu pangurusu' pakeang sambayang ri Balla'Na Batara. Le'ba'na nalangngere' kasingaranna ke'nanga,

NEHEMIA 6:14

Appala' doamma' ri Allata'ala angkana, “O, Allata'ala, Kiu'rangi anjo apa nagaukanga Tobia siagang Sanbalat. Kihukkungi ke'nanga! Kammayatompa na'bi baine niarenga Noaja siagang na'bi-na'bi maraenga eroka anggarattaka'.”

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

YEHEZKIEL 13:17

Nakana Batara, “Kamma-kamma anne he tau, parhatikangi bai'-baine appanggaukang eroka nikana kalenna na'bi ri alla'na bansanu. Callai ke'nanga,

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

LUKAS 2:36

Nia' todong sitau na'bi baine sannakamo toana. Niarengi Hana, ana'na Fanuel, battu ri suku Asyer. Nampami tuju taung le'ba'na a'bunting,

LAMPA-LAMPANA 21:9

Nia' appa' ana' tulolona le'ba' nisare pakkulle ri Allata'ala ampa'la'bangi Kabara' Baji' battua ri Allata'ala.

1 KORINTUS 11:5

Siagang punna tena na'bongong tu bai'-bainea ri wattunna appala' doang yareka ri wattunna napabattu biritta battua ri Allata'ala ri dallekanna tu jaia, nahinami tu bura'-bura'nena a'jari kapalaya mae ri kalenna. Punna kamma anjo, sanrapangi le'baka nicukkuru' ulunna anjo bainea.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

HAKING-HAKING 4:5

Biasai ammempo Debora irawanganna poko' kormaya, niaka ri alla'na kota Rama siagang kota Betel, ri daera monconna Efraim. Anjoremmi battu tu Israel mange appala' pappakainga' battu ri ia.

HAKING-HAKING 5:1

Anjo alloa akkelong-kelommi Debora siagang Barak ana'naya Abinoam. Kammaminne kelong-kelonna: