HAKING-HAKING 4:1 - KITTA' MATANGKASA'

¹ Ri matenamo Ehud, dorakami pole bansa Israel mae ri Batara.

HAKING-HAKING 4:1 Iomraidhean Croise

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.

HAKING-HAKING 2:11

Nampa dorakamo bansa Israel mae ri Batara. Tenamo nanynyomba ke'nanga mae ri Batara, Allata'alana boe-boena ke'nanga, iamintu Allata'ala le'baka angngerangi ke'nanga assulu' battu ri butta Mesir. Appakkaramulami ke'nanga anynyomba mae ri rewata niarenga Baal siagang Asytoret kammayatompa rewata-rewata maraengannaya, nasombaya bansa-bansa niaka ri tammulilina ke'nanga. Jari larromi Batara mae ri ke'nanga. Na Nalappassammo garombolanga ambunduki siagang anrampoki ke'nanga. Natena sikali pakkullena ke'nanga andallekangi anjo musu-musu battua ri tammulilina ke'nanga.

HAKING-HAKING 3:12

Dorakami pole umma' Israel mae ri Batara. Sa'genna Napa'jari la'bi kassakangammo Batara karaeng battu ri Moab niarenga Eglon. La'bi kassakangammi na umma' Israel.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.