HAKING-HAKING 18:3 - KITTA' MATANGKASA'

³ Ero'na ke'nanga antama ri anjo ballaka, nalangngereki ke'nanga anjo bura'ne tu Lewia a'bicara, na naasseng nabatei ke'nanga bate bicarana. Jari namangeimi ke'nanga nampa akkuta'nang ri ia angkana, “Angngapa nunia' anrinni? Apa parallunu? Inai angngerangko battu mae?”

HAKING-HAKING 18:3 Iomraidhean Croise

PA'JARIANG 27:22

A'reppese'mi Yakub mae ri manggena. Nita'gala'mi ri manggena na nakana, “Sa'rannu sangkammai sa'ranna Yakub, mingka limannu sangkammai limanna Esau.”

YESAYA 22:16

“Nukana inaika kalennu? Apa ha'nu sa'genna nupare' jera' kalennu ri anjo bulu' batua?

MATIUS 26:73

Tena nasallo le'ba'na anjo, battumi ri dallekanna Petrus tau niaka ammenteng anjoreng, na nakana ke'nanga, “Ma'nassa kalase'rennako battu ri ke'nanga. A'nassa sikali nilangngere' ri batenu a'bicara.”

HAKING-HAKING 12:6

nasuromi antappui “Syibolet”. Lanatappui “Sibolet”, lanri tanaassengai natappu baji' anjo kana kammaya. Nampa lanajakkala' siagang nabuno ri se'reang tampa' ri anjo pa'limbanganga. Jari nia'mo 42.000 tu Efraim anjo wattua nibuno.

HAKING-HAKING 18:2

Jari ammilemi ke'nanga limaya tau pore battu ri sikontu bija niaka lalang ri sukuna ke'nanga ia niaka ammantang ri Zora siagang Esytaol. Nampa nasare tugasa' anjo tau limaya amparessai anjo pa'rasanganga. Jari a'lampami anjo limaya tau, na battumo ke'nanga ri daera pa'bulukanna daera Efraim. A'bangngimi ke'nanga anjoreng ri balla'na Mikha.

HAKING-HAKING 18:4

Appialimi anjo turungkaya angkana, “Niakka' anrinni lanri Mikha. Ia angngangkakka' a'jari imanna na nasarea' gaji.”