HAKING-HAKING 17:3 - KITTA' MATANGKASA'

³ Napoterammi Mikha anjo doeka mae ri amma'na. Na nakanamo amma'na, “Sollanna nuta'lappasa battu ri anjo tunra kupaua na', kupassareammi anne peraka mae ri Batara untu' nipake appare' patung kayu, nilapisika pera'. Jari kupoterangi anne doeka mae ri kau.”

HAKING-HAKING 17:3 Iomraidhean Croise

2 PATTOTTORANG 33:7

Naboliki patung barhalaya lalang ri Balla'Na Batara, padahala' le'ba'mi angkana Allata'ala mae ri Daud siagang Salomo ana'na, angkanaya, “Anne BallakKu ri Yerusalem, le'baka Kupile, battu ri alla'na sampuloa anrua daera ri Israel, le'ba'mi Kupattantu a'jari tampa' panynyombang mae ri KalengKu sa'genna satunggu-tungguna.

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

KALAPPASSANG 34:17

Teako appareki siagang anynyombai ri rewata-rewata de'dekanga.

YESAYA 30:22

Sikamma patung barhalanu nilapisika pera' siagang bulaeng, lanupelaki sangkamma loro, nampa nukana, “Bellako battu ri nakke!”

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

KAIMANGNGANG 19:4

Teako anynyombai barhala. Teako appareki patung battu ri bassi-bassiang nampa nusomba. INakke Karaeng Allata'alanu.

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

PAOLE 12:3

Rumbangi sikamma tampa' pakkoro'bangnganna ke'nanga siagang allei lissarrang sikamma benteng batu nakanaya karamaki ke'nanga. Tunui gamba'-gambara'na Rewata Asyera siagang ancuruki patung-patung barhalana ke'nanga, sa'genna tenamo nakkulle nisomba poleang anjo rewata-rewata ri sikamma anjo tampaka.

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

HAKING-HAKING 17:13

Nakanamo Mikha, “Kamma-kamma anne tappa'ma' angkanaya laNasarea' kabajikang Batara, lanri nia'mo sitau tu Lewi a'jari Imangku.”

HAKING-HAKING 17:2

Ri se'reang allo nakanamo ri amma'na, “Amma', ri wattunna tappela' doe' peratta sisa'bu sibilangngang, kulangngereki kitunra palukkaka. Anne doetta amma'! Inakkemi allukkaki.” Appialimi amma'na nakana, “Poro Nabarakkakiko Batara, na'.”

HAKING-HAKING 17:4

Ri wattunna napoterang Mikha anjo doeka mae ri amma'na, naallemi amma'na ruambilangngang battu ri anjo doeka. Nampa napassareang mae ri sitau tukang pera'. Nampa nasuro anjo tukanga appare' se're patung kayu nilapisika siagang anjo peraka. Nampa niboli' anjo patunga ri balla'na Mikha.

HAKING-HAKING 18:30

Anjo patung barhala naeranga ke'nanga, napaentengi anjoreng ri kotaya, nampa naangka' Yonatan, ana'na Gersom, cucunna Musa, a'jari imang mae ri ke'nanga. Iaminne jari-jarina Gersom tuli a'jari imang ri suku Dan sa'genna narapi' jammang nieranna nipela' umma' Israel mange ri pa'rasangang maraeng.

HAKING-HAKING 18:5

Nakanamo ke'nanga ri ia, “Punna kamma padeng, tulunsai ikambe nukkuta'nang mae ri Allata'ala, maka la'matu-matuji anne pa'lampanna ikambe yareka tena?”