HAKING-HAKING 13:3 - KITTA' MATANGKASA'

³ Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

HAKING-HAKING 13:3 Iomraidhean Croise

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

2 KARAENG-KARAENG 4:16

Nampa nakanamo Elisa ri ia, “Taung ri dallekang, ri wattu kamma-kammaya anne, lakkalawing maki' sitau ana' lolo bura'ne.” Nakanamo anjo bainea, “Teaki' a'balle-ballei bapa'. Sai atanNaki' Allata'ala bapa'!”

LUKAS 1:11

Anjo wattua battumi malaeka'Na Allata'ala ampappicinikangi kalenna mae ri Zakharia. Ammentemmi anjo malaekaka ri sa'ri kananna mejang pa'dongkokanna kamanynyang nitunua.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

HAKING-HAKING 13:10

Jari larimi mange ampauangi bura'nenna, na nakana, “Daeng, mae maki' ciniki. Nia'mi pole battu anjo tau le'baka battu mae ri nakke pirangngalloang!”

HAKING-HAKING 13:15

Nampa nakana pole Manoah ri ia, “Kuminasai nakiattayang rolong sinampe', nanipappalluangki' bembe rungka.”

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.

HAKING-HAKING 13:8

Nalangngere'na Manoah anjo passalaka, appala' doammi ri Batara, angkana, “O Batara, poro Kisuro laloi pole battu anjo suroTa mae ri kambe, sollanna napauangi ikambe apa musti nagaukang ikambe punna lassu' anjo anaka.”

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.

HAKING-HAKING 6:14

Jari nisaremi parenta Gideon ri Batara, angkanaya “Lalang ri sikontu kagassingannu a'lampamako mange allappassangi tu Israelka battu ri kakoasanna tu Midian. INakkemi assuroko.”

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”