HAKING-HAKING 13:1 - KITTA' MATANGKASA'

¹ Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 13:1 Iomraidhean Croise

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

ROMA 2:6

Nasaba' laNabalasaki Allata'ala mae ri taua situru' massing panggaukanna.

IBRANI 11:32

Jari, akkullei jai pole lakubicara, mingka tagannakkai wattungku. Nasaba' tenapa nakurapiki kupau Gideon, Barak, Simson, Yefta, Daud, Samuel, siagang na'bi-na'bia.

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.

HAKING-HAKING 10:7

Jari larromi Batara mae ri umma' Israel. Sa'genna nibalang parekang ke'nanga nikoasai ri bansa Filistin siagang bansa Amon.

HAKING-HAKING 12:15

Nampa matemo Abdon, na nitarawang ri Piraton ri daera Efraim, ri daera monconna tu Amalek.

HAKING-HAKING 14:4

Tanaassengai tau toana Simson angkana Batara ampagioki Simson na nagaukang anjo kammaya. Nasaba', a'boyai kasampatang Batara untu' ambunduki tu Filistin. Anjo wattua, nikoasai tu Israelka ri tu Filistin.

HAKING-HAKING 15:11

Nalangngere'na anjo a'lampami tu Yehudaya nia' 3.000 tau mange ri kali'bong batu niaka irate bulu' batu, ri Etam. Nakanamo ke'nanga anjoreng, “Simson, tenaka nanuassengi angkanaya nakoasaiki' tu Filistin? Apa anne nugaukang mae ri kambe?” Appialimi Simson angkana, “Musti kubalasaki apa le'baka nagaukang ke'nanga mae ri nakke.”

HAKING-HAKING 15:20

Ruampulo taungi sallona Simson ampimpingi umma' Israel ri wattunna nikoasai ke'nanga ri tu Filistin.

HAKING-HAKING 2:11

Nampa dorakamo bansa Israel mae ri Batara. Tenamo nanynyomba ke'nanga mae ri Batara, Allata'alana boe-boena ke'nanga, iamintu Allata'ala le'baka angngerangi ke'nanga assulu' battu ri butta Mesir. Appakkaramulami ke'nanga anynyomba mae ri rewata niarenga Baal siagang Asytoret kammayatompa rewata-rewata maraengannaya, nasombaya bansa-bansa niaka ri tammulilina ke'nanga. Jari larromi Batara mae ri ke'nanga. Na Nalappassammo garombolanga ambunduki siagang anrampoki ke'nanga. Natena sikali pakkullena ke'nanga andallekangi anjo musu-musu battua ri tammulilina ke'nanga.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.

HAKING-HAKING 4:1

Ri matenamo Ehud, dorakami pole bansa Israel mae ri Batara.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.

1 SAMUEL 12:9

Mingka ri bokoang allo nakaluppaimi Batara Allata'alana ke'nanga. Lanri kammana, nibalang parekammi ke'nanga na nibunduki siagang nibeta ri Sisera, anjo panglimana tantara Hazor, siagang nibeta ri tu Filistin siagang ri karaeng Moab.

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”

1 SAMUEL 7:13

Kammaminjo nanibetamo tu Filistin. TaNapa'biangai Batara antama poleang ke'nanga ri daerana Israel, lalang attallasa'na ija Samuel.