HAKING-HAKING 12:1 - KITTA' MATANGKASA'

¹ Anjo wattua sadiai suku Efraim ero' a'lampa mange a'bundu'. A'lampami ke'nanga, na' limbang ri Binanga Yordan, mange ri Zafon. Nakanamo ke'nanga ri Yefta, “Angngapa nu'lampa ambunduki bansa Amon na tena nukio' tongki'? Kamma-kamma anne lakitunuko siagang sikontu bone balla'nu.”

HAKING-HAKING 12:1 Iomraidhean Croise

PAMMUJI 109:4

Natudua' ke'nanga, manna nakukamaseang ke'nanga, siagang kupappala' doangammo ke'nanga.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

HOSEA 13:1

Riolo nipakalompoi suku Efraim sa'genna punna nia' parenta battu ri anjo sukua, malla' ngasengi suku-suku maraenga ri Israel. Mingka dorakami suku Efraim lanri anynyombana ri Rewata Baal, lanri kammana anjo lalanynyaki.

MARKUS 3:24

Punna nia' se're bansa, nata'bage-bage taunna nampa assimusu-musu para ia, antekamma lakkulle attahang ammenteng pamarentana anjo bansaya.

YOHANES 10:32

Mingka Nakanamo Isa ri ke'nanga, “Nucini' ngasemmi panggaukang baji' le'baka Kugaukang, situru' tugasa' Napassareanga Manggea ri Nakke. Battu ri yangasenna anjo panggaukanga, kereanga a'jari saba' nanusiratang ansambilA' batu?”

YAKOBUS 3:16

Kemae-kemae nia' sipa' pakkimburuang siagang sipa' kaparalluang kalenna bawang naondang, anjoreng tommi nia' karicuang siagang a'rupa-rupa kaja'dallang.

HAKING-HAKING 11:40

angngapa nabiasa a'lampa ana'-ana' tuloloa patampulo allo lalang taung-taunga, mange angngerangi si'nana ri Gilead, untu' angngu'rangi ana'na Yefta.

HAKING-HAKING 12:2

Nakanamo Yefta, “Nia' passisalang lompona ikambe tu Gilead siagang tu Amon. Le'ba' mako kukio' untu' ambantua' untu' allappassanga' battu ri anjo tu Amon, mingka tena ngaseng nubattu.

HAKING-HAKING 14:15

Jari, ri makaappa'na alloa, nakanamo ke'nanga ri bainenna Simson, “Nyonyo' sai anjo bura'nennu sollanna ero' ampaui ri kambe apa battuanna anjo tappu-tappuanga. Punna tena, lakitunuko siagang sikontu bone balla'na manggenu. Iaji padeng nanuundangki' lanri ero'na nupacappu' apa-apanna ikambe!”

HAKING-HAKING 15:6

Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.

HAKING-HAKING 8:1

Na nakanamo tu Efraim ri Gideon, “Angngapa natena nukio' tongi ikambe ri wattunnu a'lampa ambunduki tu Midianga? Apa saba'na nuppakamma ri kambe?” Kammami anjo batena a'moro-moro ke'nanga mae ri Gideon.