HAKING-HAKING 10:10 - KITTA' MATANGKASA'

¹⁰ Jari akkio'mi umma' Israel appala' tulung ri Batara, angkana, “Dorakami ikambe mae ri Katte; tenamo namangngu'rangi ikambe mae ri Katte, o Allata'ala! Anynyombami ikambe mae ri rewata-rewata Baalka.”

HAKING-HAKING 10:10 Iomraidhean Croise

PAMMUJI 107:13

Lalang kasusaanna ke'nanga akkioki mae ri Batara, na nipakabebasa'mo ke'nanga ri Ia battu ri kasukkaranga.

PAMMUJI 107:19

Lalang kasusaanna akkioki ke'nanga mae ri Batara, na Napakabebasa' ke'nanga battu ri kasukkaranga.

PAMMUJI 107:28

Lalang kasusaanna ke'nanga akkioki mae ri Batara, na Ia ampakabebasaki ke'nanga battu ri kasukkaranga.

YEREMIA 2:27

Lanipakasirikko, lanri sipolong kayu nukio' bapa' siagang se're batu nukio' amma'. Tena nubattu mae ri Nakke, passangalinna nubokoiA'. Mingka punna battu kasukkaranga, nampami iNakke nukio' untu' battu ampasalamakko.

HAKING-HAKING 10:9

Ba'lalo a'limbammi tu Amon ri Binanga Yordan untu' ambunduki suku Yehuda, Benyamin siagang Efraim. Sa'genna sanna'mo sessana umma' Israel.

HAKING-HAKING 3:9

Jari akkio'mi umma' Israel appala' tulung ri Batara. Na Napassareammo Batara sitau niarenga Otniel untu' allappassangi ke'nanga (Otniel ana'nai Kenas andi'naya Kaleb).

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

HAKING-HAKING 6:6

Na tenamo naassengi angkana apamo lanagaukang tu Israel mae ri anjo ke'nanga.

1 SAMUEL 12:10

Nampa appala' doang ke'nanga mae ri Batara siagang namangakuimi dosa-dosana ke'nanga, angkana, ‘Dorakami ikambe lanri nabokoinTa, o Batara, siagang anynyombami ikambe mae ri patung-patunna Rewata Asytoret siagang Baal. Mingka kamma-kamma anne, Kipasalamaki ikambe battu ri musunna ikambe, nampa anynyomba ikambe mae ri Katte!’

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)