HAKING-HAKING 1:6 - KITTA' MATANGKASA'

⁶ Nalarimo anjo karaenga. Mingka niondammi ri ke'nanga, sa'genna narapi' na najakkala'. Nampa napolong ke'nanga anrong limanna siagang anrong bangkenna.

HAKING-HAKING 1:6 Iomraidhean Croise

ESTER 8:12

Anjo parentaya musti nigaukangi ri sikontu kakaraenganna Persia, ri allo le'baka napattantu Haman untu' ambunoi tu Yahudia, ri tanggala' sampulo antallu bulang sampulo anrua, iamintu niarenga bulang Adar.

PAMMUJI 107:40

Nipakatunai ri Batara sikamma pamarentana ke'nanga, na nisuro ke'nanga a'la'bang a'lampa ri parang lompoa ia tenaya oloanna.

PAMMUJI 149:8

untu' ansikkoki sikamma karaenga, siagang anrantei sikamma pamarentana ke'nanga;

PAMMUJI 59:11

Lanri kabajikanNa Nabattu Allata'alaku mae ri nakke, Nalappassanga' anciniki musungku nibeta.

KALAPPASSANG 14:26

Nakana Batara ri Musa, “Pajonjoi limannu ri tompo'na tamparanga, sollanna ammotere' je'neka, na natallangngang tu Mesirka, sikamma karetana siagang sikamma tau niaka irate ri anjo karetaya.”

KALAPPASSANG 21:24

mata nisambei mata, gigi nisambei gigi, lima nisambei lima, bangkeng nisambei bangkeng,

KALAPPASSANG 29:20

Nampa nupolong anjo gimbala' lakia; allei sike'de' cera'na nampa pasapui ri leko' tolinna bageang ri kananga Harun siagang ana'-ana'na, ri anrong karemeng bangkenna ri kananga siagang ri anrong karemeng lima kananna ke'nanga. Sesanna anjo ceraka musti nupatiriki mae ri appaka sa'rinna tampa' pakkoro'bangnganga.

YEREMIA 50:15

Ammarrangko akkio' bundu' ri tammulilina anjo kotaya! Kamma-kamma anne manyarami Babel. Tembo'-tembo'na le'ba'mi nilappo siagang niruntung. Kamma-kamma anne Kugaukangi pa'balasaka mae ri Babel. Lanri kammana anjo gaukammi mae ri ke'nanga sangkamma nagaukanga ke'nanga mae ri tau maraenga.

YOSUA 15:16

Nakana Kaleb, “Inai-nai akkulle angngallei Kiryat-Sefer, lakupassareangi anakku iamintu Akhsa, a'jari bainenna.”

HAKING-HAKING 1:5

Narapikang tommi siagang nabundukimi tommi ke'nanga karaenna anjo pa'rasanganga, niarenga Adoni-Bezek.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.