HAKING-HAKING 1:4 - KITTA' MATANGKASA'

⁴ siagang suku Yehuda mange a'bundu'.” Na nisaremo ke'nanga pakkulle battu ri Batara sa'genna nabetamo tu Kanaan siagang tu Feriska. Nia' sampulo sa'bu tantarana musua mate ri Bezek.

HAKING-HAKING 1:4 Iomraidhean Croise

1 KARAENG-KARAENG 22:15

Battuna Mikha mange ri dallekanna Karaeng Ahab, akkuta'nammi karaenga angkana, “Maka akkulleja' siagang Karaeng Yosafat mange ambunduki Ramot, yareka tena?” Appialimi Mikha angkana, “Bundukimi! Mattantu lammetaki'. LaNasareki' pammetang Batara.”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

PAOLE 9:3

Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

HAKING-HAKING 1:3

Nakanamo suku Yehuda mae ri suku Simeon, “Bantuki' ambunduki tu Kanaan na nanirampasa' daera le'baka Natantukang Batara untu' ikambe. Sallang nalakibantu tongko untu' anrampasaki daera le'baka Natantukang Batara untu' ikau ngaseng suku Simeonga. Jari a'lampami suku Simeon

HAKING-HAKING 1:5

Narapikang tommi siagang nabundukimi tommi ke'nanga karaenna anjo pa'rasanganga, niarenga Adoni-Bezek.

HAKING-HAKING 11:32

A'limbammi Yefta ri Binanga Yordan untu' ambunduki tu Amon. Na nisaremo pammetang ri Batara.

HAKING-HAKING 3:5

Iaminjo saba'na natuli nia' ijapa tu Kanaan, tu Het, tu Amori, tu Feris, tu Hewi siagang Yebus ammantang ri anjo pa'rasanganga sipammantangang siagang umma' Israel.

1 SAMUEL 11:8

Nipa'rappungammi ke'nanga nampa nirekeng ri Bezek: Nia' 300.000 tu Israel na nia' 30.000 tu Yehuda.

1 SAMUEL 14:10

Mingka punna nasuroki' ke'nanga battu mae ri ke'nanga, la'lampaki' mange anjoreng, nasaba' iaminjo pammatei angkanaya Napassareangi Batara anjo ke'nanga mae ri katte.”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”