HAGAI 2:3 - KITTA' MATANGKASA'

³ “Nia' ijaka ri alla'nu angngu'rangi antekamma la'biri'na anne BallakKu pirangalloang? Kamma-kamma anne antekamma kaadaanna, turu' panggappanu? Sai tena sikali nabaji' pakkasiaka anciniki?

HAGAI 2:3 Iomraidhean Croise

1 PATTOTTORANG 22:5

Nagaukang ngasemmi Daud sikammaya anjo lanri napikkiriki angkana, “Musti kupasadiai apa niparalluanga untu' bangunanna Balla'Na Batara. Nasaba' Salomo anakku rungka iji siagang kurang iji pangalamanna. Nampa anjo Balla'Na Batara eroka nabangung musti sannaki ga'gana siagang masahoroki mae ri sikontu linoa.” Jari lalang tenanapa namate Daud, appasadiami jai sikali bahang bangunang.

EZRA 3:11

Akkelongi ra'yaka kelong-kelong pammuji mae ri Batara, na napa'mole-mole nakelongang bageang kelong kala'busanga angkana, “Anjo Batara mabajiki; satunggu-tungguna pangngamaseanna mae ri Israel.” Sikontu ra'yaka amminawangi akkiok-kio' ma'rannu-rannu siagang mammuji ri Batara, lanri nipadongko'mi batu pundasina Balla'Na Batara ri Yerusalem.

EZRA 3:12

Jai ri sikamma imanga, tu Lewia, siagang kapala-kapala golongang toa duduamo umuru'na, le'baki nacini' Balla'Na Batara rioloa. Ri wattunna nacini' ke'nanga nipadongko' batu pundasina anne Balla'Na Batara, angngarru' lompomi ke'nanga. Mingka tumaraengannaya hadereka anjoreng ammarrang-marrangi napakamma sanna' rannuna.

YESAYA 64:10

Kota-kota matangkasatTa sanrapammi parang lompoa, Yerusalem a'jari parang kalotoro' siagang sino.

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.