HABAKUK 1:2 - KITTA' MATANGKASA'

² O Batara, sa'ge siapapi salloku musti akkio' appala' tulung mae ri Katte? Angngapapi nampa laKipilangngeri siagang Kipasalama' ikambe battu ri tau anjallakkanga?

HABAKUK 1:2 Iomraidhean Croise

AYUB 19:7

A'jalloka' lanri anjo kapallakkang kammaya, mingka tena manna sitau amparhatikanga'. Akkioka' angkana, ‘Kemae kaadelanga’, mingka tena tau allangngereki sa'rangku.

PAMMUJI 22:3

O, Allata'alaku, akkioka' ri wattu allo, mingka tuli a'merekiKi'. Appala' doanga' ri wattu bangngi, mingka tena todong na sannang atingku.

PAMMUJI 94:3

O, Batara, sa'genna siapa sallona larannu tau ja'dalaka? Sa'genna siapa sallona, o, Batara?

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

ZAKHARIA 1:12

Nampa nakanamo anjo malaekaka, “O, Batara Kaminang Koasaya, tujupulo taummi salloTa larro mae ri kota Yerusalem siagang kota-kota niaka ri Yehuda. Siapapi salloTa tuli lalarro siagang tena naKipammopporangi ke'nanga?”

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”