FILIPI 4:4 - KITTA' MATANGKASA'

⁴ Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

FILIPI 4:4 Iomraidhean Croise

PAMMUJI 146:2

Erokka' mammuji ri Batara lalang tallasakku siagang makkelong ri Allata'ala lalang niakku ija.

PAMMUJI 33:1

He, sikamma tu bajika, akkio' rannu mako lanri apa le'baka Nagaukang Batara; siratangi mammuji-muji tu lambusu' pa'maika.

HABAKUK 3:18

tuli larannuna pa'maikku, nasaba' iKatte Karaeng Allata'ala mappasalamakku.

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

LAMPA-LAMPANA 16:25

Kira-kira tangnga bangngi sitabangi appala' doang siagang akkelong-kelong mammuji ri Allata'ala Paulus siagang Silas.

LAMPA-LAMPANA 5:41

A'lampami anjo sikamma tunisuroNa Allata'ala ambokoi anjo sidang Pangadelang Agamaya. Sanna' ngaseng rannuna ke'nanga, lanri nipassiratammi ri Allata'ala ke'nanga angkasiaki paccallaya, lanri arenNa Isa.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

GALATIA 1:8

Lappassammi nihukkung ri Allata'ala anjo tau ambirittakangai “kabara' baji'” simmaraenga siagang Kabara' Baji' nabirittakanga ikambe. Manna pole na ikambe anjo taua, yareka malaeka' battu ri suruga!

FILIPI 2:18

Kamma tommako anjo, paralluko appala' sukkuru' todong siagang amminawang rannu siagang inakke.

FILIPI 3:1

Jari, sari'battangku ngaseng, paralluko marannu lanri asse're mako siagang Batara. Tena nabattala' kusa'ring ampau poleangi apa le'baka kutulisi' mae ri kau riolo; nasaba' anjo bajiki untu' kasalamakkannu.

1 PETRUS 4:13

Ba'lalo, parallui a'jari sannang pakkasia'nu lanri amminawannu todong angkasiaki sessaya siagang Almasi. Jari sallang, punna nipa'nyatamo kala'biranNa Almasi, larannu mako.