FILIPI 4:22 - KITTA' MATANGKASA'

²² Sikamma Umma'Na Allata'ala niaka anrinni ri kotaya, la'biangampa niaka anrinni ri balla' lompona karaenga akkiring ngaseng tongi sallang mae ri kau.

FILIPI 4:22 Iomraidhean Croise

MATIUS 5:47

Na punna agannuji bawang nujamakki, apa la'bina kabajikannu? Kamanna tau kapereka nagaukang tonji kammaya.

LAMPA-LAMPANA 20:38

Sanna' ngaseng si'nana atinna ke'nanga, la'biangampa lanri nakanana Paulus angkanaya talasicinikami ke'nanga. Naantara'mi ke'nanga Paulus sa'genna nai' ri kappalaka.

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

ROMA 16:16

Massing sisareko sallang sikarimangngi salaku tu Karisteng. Sikamma jamaah-jama'aNa Almasi appikatu ngasengi sallang mae ri kau ngaseng.

2 KORINTUS 13:13

Poro Nabarakkakiko Batara Isa Almasi, naNakarimangngiko Allata'ala, kammayatompa Narurungang ngasengko RohNa Allata'ala! Sallangku, Paulus

FILIPI 1:13

Passabakkang kammaminjo nanaasseng ngasemmo pangawala'na balla' karaenga siagang tau maraengannaya anrinni ri kotaya, angkanaya passabakkang a'jari palayangku mae ri Almasi nanitarungkua'.

IBRANI 13:24

Pabattuanga' sallangku mae ri sikamma pamimpinnu siagang mae ri sikontu Umma'Na Allata'ala. Tarima tommi sallang battua ri sikamma sari'battanta ri Italia.

1 PETRUS 5:13

Sikamma paranta anggota jama'ah ri Babilon, nipilea todong ri Allata'ala, akkiringi sallang mae ri kau ngaseng. Kammayatompa anakku Markus, sannaka kukarimangnginna, akkiring tongi sallang.

3 YOHANES 1:14

Kuminasai angkanaya tenamo nasallo nakilasibuntulu', naki'bicara kalenta.