FILIPI 3:6 - KITTA' MATANGKASA'

⁶ Ba'lalo, lanri lompona sumangakku, sa'genna kusessamo anggota jama'aka. Punna niciniki battu ri passala' hukkung-hukkung agama Yahudia, inakkemi tau baji' siagang tena callangku.

FILIPI 3:6 Iomraidhean Croise

2 SAMUEL 21:2

(Anjo tu Gibeon teai tu Israel; anjo ke'nanga golongang ca'di lalang ri tu Amori. Le'baki a'janji tu Israel angkanaya lanala'langngi ke'nanga, mingka Saul eroki naputta ke'nanga lanri nanawa-nawana kaparalluanna tu Israel siagang tu Yehuda.) Nampa nakio'mo Daud anjo tu Gibeon,

2 KARAENG-KARAENG 10:16

siagang nakana, “Maeko amminawang, siagang kalennu lansa'bi antekamma bateku usaha untu' Nakaerokia Batara.” Nampa assiagammo ke'nanga a'dongko' kareta mange ri Samaria.

KATO'BA 7:16

Teako baji' dudui siagang teako cara'de' dudui. Apa matu-matunna nibuno kalea?

KAIMANGNGANG 13:16

Mingka punna a'jari pia ammotere' anjo puru lompoa siagang a'jari kebo' ammotere', anjo taua musti mangei pole andallekang ri imanga

MATIUS 23:25

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Nubissai sa'genna tangkasa' bageang pantara'na mangkoka siagang piringa. Na lalanganna teai sipato' ra'masa'na napakamma apa-apa tena na hallala' siagang napakamma angngoa dudunu.

MATIUS 5:20

Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LAMPA-LAMPANA 21:20

Le'baki nalangngere' ke'nanga anjo caritana Paulus, ammuji-muji ngasemmi ke'nanga mae ri Allata'ala. Nampa nakanamo ke'nanga ri Paulus, “Paulus! Parallui nuasseng sari'battang, angkanaya assa'bu-sa'bumi tu Yahudi a'jari tappa' ri Isa. Najarre' ngaseng ke'nanga angkatutui sikamma parentaNa Allata'ala, le'baka napabattu Musa.

LAMPA-LAMPANA 22:5

Kalenna imang lompoa siagang sikontu anggotana Pangadelang Agamaya akkulle a'jari sa'bi angkanaya tena ku'balle-balle. Nasaba' iaminjo ke'nanga le'ba' assarea' sura' koasa, kueranga mae ri tu Yahudi niaka ri Damsyik. Anjo sura' koasaya akkullei kupare' panna'gallang untu' anjakkalaki sikamma tau tappaka mae ri anjo pangngajarang berua, ri Damsyik, nampa kuerang ke'nanga mange ri Yerusalem sollanna nihukkung.”

LAMPA-LAMPANA 26:5

Sallomi naasseng ke'nanga angkanaya antekamma katallassangku. Na punna ero' ke'nanga, akkullei ke'nanga a'jari sa'bi angkanaya riolo iji nakuattallasa'mo sangkamma tu Farisi, siagang kuturuki ngasemmi sikontu atorang-atorang kaminang terasaka lalang ri agamana ikambe.

LAMPA-LAMPANA 8:3

Mingka tuli usahaji pole Saulus ansessai jama'aka. A'lampai ri tasse're-se'reang balla', nanare'resang ngaseng assulu' tau tappaka. Nampa napantama' ke'nanga ri tarungkua.

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

1 KORINTUS 15:9

Inakkemi suro kaminang tunaNa Batara. Tena nakusiratang nigallara' tunisuro, nasaba' le'baki kusessa jama'aNa Allata'ala.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

1 TIMOTIUS 1:13

Riolo le'baki kupitina, kusessa siagang kuhina. Mingka manna nakamma Nakamaseang tonja' Allata'ala, nasaba' anjo wattua tenapa nakutappa', jari takuassengai anjo apa kugaukanga.

HAKING-HAKING 6:30

Nakanamo ke'nanga mae ri Yoas, “Le'baki nabongkara' ana'nu tampa' pakkoro'bangnganna Baal. Siagang narumbang tongi benteng kalompoanna Dewi Asyera niaka ri ampi'na anjo tampa' pakkoro'bangnganga. Lanri kammana, erangi assulu' anjo ana'nu. Musti nibunoi!”