FILIPI 3:5 - KITTA' MATANGKASA'

⁵ Inakke, sagantuju allo umurukku nanisunnaka', salaku tu Israel, battu ri suku bansa Benyamin. Inakke Ibrani totoka'. Ri passala' mannurukia mae ri hukkung agama Yahudia, inakke anne anggotana' golongang Farisia.

FILIPI 3:5 Iomraidhean Croise

PA'JARIANG 14:13

Mingka nia'mo sitau ta'lappasa' battu ampabattuangi Abram anjo tu Ibrania, sikamma anjo apa kajarianga. Anjo Abram niaki ammantang ri ampi'na poko'-poko' kayu karama' ri tampa' passambayanganna niarenga Mamre, sitau tu Amori. Na anjo Mamre siagang sikamma sari'battanna, iamintu Eskol siagang Aner, agannai Abram.

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

PA'JARIANG 41:12

Mingka nia' sitau turungka battu ri Ibrani naagang ikambe anjoreng. Ia palayanna kapala pangawalaka ri anjo balla' karaenga. Nacaritami ikambe anjo so'nana ikambe mae ri ia. Nampa napakasingara'mo battuanna anjo so'nana ikambe.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

LUKAS 1:59

Ri wattunna sagantuju allomo umuru'na anjo anaka, battumi ke'nanga ansunnaki anjo anaka. Ero'mi ke'nanga nasare areng Zakharia anjo anaka, sangkamma arenna manggena.

LUKAS 2:21

Narapiki sagantuju allo umuru'na, nisunna'mi anjo anaka. Nampa nisare areng ri ke'nanga Isa. Iaminjo areng le'baka napassareang malaekaka, ri wattu tenanapa na nitianangangi ri amma'Na.

LUKAS 5:38

Anggoro' berua musti anjoreng tongi ri pammoneang berua niboli'.

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

LAMPA-LAMPANA 23:6

Naciniki Paulus angkanaya anjo anggota-anggota pangadelanga nia' sitangnga tu Saduki na sitangngana maraenganga tu Farisi. Lanri kammana, nakanamo mae ri ke'nanga, “Sikamma sari'battanga! Inakke anne tu Farisia', nasaba' sossorang tu Farisia'. Nakuniadeli anrinni passabakkang tappaka' angkanaya lattallasa' poleangi ammotere' tau matea.”

LAMPA-LAMPANA 6:1

Pila' sallo, pila' jaimi tau tappa' ri Isa. Anjo wattua a'jari tenamo nasannang nyawana tau tappa' bansa Yahudi a'bicara Yunania mae ri tau tappa' bansa Yahudi totoka. Nakanamo a'bicara Yunania, “Sikamma bai'-baine janda niaka ri kambe tanibageiyai ongkoso' kaparalluang allo-allo nipa'bage-bageanga mae ri taua.”

ROMA 11:1

Erokka' akkuta'nang: Maka Napela'mi Allata'ala umma' KalenNa? Tantu tena! Inakke kalengku bansa Israelka', sossoranna Abraham, siagang battu ri suku Benyamin.

2 KORINTUS 11:22

Maka tu Ibrani anjo ke'nanga? Inakke tu Ibrani tonja'. Tu Israel ke'nanga? Inakke tu Israel tonja'. Turungannai Abraham ke'nanga? Inakke pole kamma tonja'!

1 SAMUEL 4:6

Nalangngere' tommi tu Filistin gora-gora lompona ke'nanga, sa'genna nakanamo ke'nanga, “Angngapai anjo tu Ibrania na'gora-gora lompo kamma?” Mingka ri wattunna naasseng ke'nanga angkanaya battumi Patti ParjanjianNa Batara mae ri kemana tu Ibrani,