FILIPI 3:19 - KITTA' MATANGKASA'

¹⁹ Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.

FILIPI 3:19 Iomraidhean Croise

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

PAMMUJI 52:1

Untu' pamimping pakelong. Kelong pangngajara'na Daud,

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 34:3

Dadi'na nuinungi, bulu-bulunna nupareki pakeang, siagang gimbala' kaminang co'moka nupolongi nampa nukanrei. Tale'bakai nuurusu' sikamma gimbala'nu.

HOSEA 4:7

Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MALEAKHI 1:12

Mingka ikau ngaseng nuhina-hinA' lanri nubilang tenana anggaranna tampa' pakkoro'bangngangKu, siagang nupassareangi anjoreng kanre nusorong bokoa.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

LUKAS 12:19

Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 18:4

Salloi taeroka anjo hakinga antulungi anjo jandaya. Mingka kala'busanna appikkiri'mi anjo hakinga nakana, ‘Manna tena kumalla' ri Allata'ala, siagang tena ngaseng kujampangi taua,

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

1 KORINTUS 5:2

Mingka manna nakamma, ero' ijako tuli attampo-tampo. Sikontutojenna, musti si'nai nyawanu siagang musti nupassuluki anjo tau a'gau' kammaya battu ri alla'nu.

1 KORINTUS 5:6

Tena nabaji' anjo apa nupattampo-tampoanga! Nuassemmi kapang anne lampangkana angkanaya, “Pa'gambang sike'deka ampa'bakkaki labu' le'baka nileo'.”

2 KORINTUS 11:12

Anne apa kugaukanga ri kamma-kammaya anne, tuli lakugaukangi situlusu'na. Sollanna tena alasanna sikamma “tunisuro” maraenganga ampakalompoi kalenna, angkana anjama tongi sangkamma ikambe.

2 KORINTUS 11:15

Jari tena nappakalannasa' punna ammakeang kamma todong palayanNa Allata'ala anjo sikamma palayanna Billisika. Mingka kale'bakkanna lanagappa ngaseng tonji pa'balasa'na sikontu panggaukanna ke'nanga.

GALATIA 6:13

Kamanna tau anturukiai paratorang sunnaka tena tonja nagaukangi hukkung-hukkung agamaya. Mingka nakellaiko ke'nanga nisunna', sollanna akkulle napattampo-tampoang ke'nanga lanri nuturukinna anjo paratoranga.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

KOLOSE 3:2

Pituju mangemi pikkirannu ri apa-apa niaka anjoreng; teako na ri apa-apa niaka ri linoa.

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

2 TESALONIKA 2:12

Kale'bakkanna, sikamma anjo tau angngaiyai dosaya siagang tenaya natappa' mae ri anjo katojenganga, lanihukkungi.

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

1 TIMOTIUS 6:5

siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

2 TIMOTIUS 3:4

Nangai ke'nanga a'bali'ballang, tena nappikkiri' baji' siagang borroi. Lanangaiangangi ke'nanga kasannanganna linoa namannurukia ri Allata'ala.

YAKOBUS 4:16

Mingka kamma-kamma anne a'jari tampo mako siagang lompomi bicarannu. Anjo bicara lompo kammaya sala ngasengi.

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

2 PETRUS 2:13

Lanakasiaki ke'nanga kasessanga, a'jari pa'balasa' mae ri kasessang le'baka napare' ke'nanga. Ia nangaia ke'nanga iamintu tena masala nagaukang ri wattu singara'na alloa, sollanna napassukku' apa nakacinnanga tubuna ke'nanga. Punna simammempoangko siagang ke'nanga ri wattu pangnganre-nganreanga, sanna' appakaringi'na panggaukanna ke'nanga lanri nibengona ri hawa napasuna ke'nanga.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?