FILIPI 3:17 - KITTA' MATANGKASA'

¹⁷ Sikamma sari'battangku! Turukimi conto niaka ri kalengku. Le'ba' mako nasare ikambe conto annabaya; lanri kammana, parhatikangi baji'-baji' katallassanna sikamma tau anturukiai anjo conto napassareanga ikambe.

FILIPI 3:17 Iomraidhean Croise

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

1 KORINTUS 11:1

Iaminjo conto battu ri nakke mae ri kau. Mingka inakke conto battu tonji ri Almasi kupinawang.

1 KORINTUS 4:16

Lanri kammanami anjo nasanna' kupala'na ri kau ngaseng, sollannu angngalle conto mae ri nakke.

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

2 TESALONIKA 3:14

Nakulle kapang nia' tau taeroka anturuki anne apa napabattua ikambe lalang ri anne suraka. Tutuko ri anjo tau kammaya; teako eroki assierang-erang siagang anjo tau kammaya sollanna a'jari siri'-siri',

2 TESALONIKA 3:7

Massing nuasseng ngasemmi angkanaya antekamma batenu musti angngalle conto battu ri kambe. Ikambe tena nakia'mala'-malasa' ri wattunna nia' ikambe ri tangnga-tangnganu ngaseng.

2 TESALONIKA 3:9

teai lanri tenana nakkulle ikambe appala' tulung mae ri kau ngaseng, passangalinna sollanna akkulle ikambe a'jari conto mae ri kau ngaseng.

1 TIMOTIUS 4:12

Teako pa'biangi kalennu nicini' tuna lanri rungkanu ija. Mingka paralluko a'jari conto mae ri sikontu tau tappaka ilalang ri pau-paunu, panggaukannu, katappakkannu, pangngamaseannu, kammayatompa katangkassanna katallassannu.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

1 PETRUS 5:3

Teako a'jari kammai tau koasa mae ri ke'nanga, nipappirannuanga mae ri kau. Mingka a'jariko conto baji' mae ri ke'nanga.