FILIPI 2:4 - KITTA' MATANGKASA'

⁴ Parhatikangi kaparalluanna tau maraenga; teako kaparalluang kalennu bawang nuparhatikang.

FILIPI 2:4 Iomraidhean Croise

ESTER 2:22

Naassengi Mordekhai anjo rancanana ke'nanga, siagang linta'mi napauang Ester anjo passalaka. Akkaro-karomi Ester ancaritai ri karaenga anjo apa naassenga Mordekhai.

PAMMILANGNGANG 32:6

Appialimi Musa angkana, “Angngapa nulammantang anrinni nampa a'lampa julu bansanu a'bundu'?

MATIUS 18:6

“Inai-nai a'jari saba' natenamo natappa' ri Nakke tau ca'di kammaya anne, bajikangangi punna nigentungi batu kallonna nampa nitallangngang naung ri tamparanga.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

1 KORINTUS 10:24

Takkulleai taua poro kaparalluang kalennaji bawang naboya. Sikontu taua parallui naboya todong kaparalluanna tau maraenga.

2 KORINTUS 11:29

Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

2 KORINTUS 6:3

Taerokai ikambe angkanaya nibilang salai palayanang nagaukanga ikambe. Jari usahami ikambe sollanna tena manna sitau akkulle ampasalai jama-jamang nagaukanga ikambe.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

YAKOBUS 2:8

Nugaukammi annabaya, punna nugaukang hukkung Kakaraengang niaka tattulisi' lalang ri Kittaka angkanaya, “Paralluko angkamaseangi parannu tau, sangkamma nukamaseanna batangkalennu.”