FILIPI 2:15 - KITTA' MATANGKASA'

^15-16 Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

FILIPI 2:15 Iomraidhean Croise

PAMMUJI 122:5

Anrinnimi sikamma karaeng turunganna Daud angngadeli ra'ya'na.

KALAPPASSANG 34:35

accayami nacini' ke'nanga rupanna Musa. Jari nabombo'mi pole rupanna sa'genna narapi' wattunna a'bicara pole siagang Batara.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

PANGNGEBARANG 8:8

Kana-kanangku lambusu' ngasengi, manna se're tania' a'jekko yareka sala.

YESAYA 60:1

Ambangungko nai' siagang a'jariko singara', he Yerusalem, saba' nia'mi battu singara' kasalamakkannu; Allata'ala ansingariko siagang kala'biranNa.

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 17:17

Appialimi Isa angkana, “Teaiko anne sipato' ngaseng! Ma'nassa tau sala oloang ngasengko siagang tena ngaseng tappa'nu. Siapapi salloKu lammantang siagang lasa'bara' ri tangnga-tangnganu ngaseng? Erangi mae anjo anaka!”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

MATIUS 5:48

Ia Allata'ala Manggenu ri suruga sukku' Nakamaseangi sikontu rupataua. Jari parallui nukamaseang todong parannu tau.”

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LUKAS 6:35

Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

ROMA 16:19

Naasseng ngasemmi taua angkanaya tamalanreako mae ri pangngajarang Kabara' Baji' battua ri Allata'ala. Na sannammo pa'maikku mae ri kau ngaseng lanri anjo passalaka. Kuminasai sollannu cara'de' mae ri apa-apa bajika, na nudongo' mae ri apa-apa ja'dalaka.

1 KORINTUS 1:8

KalenNa Almasi ampakajarrekko sa'genna kala'busang, sollanna punna battu poleangi sallang, tena callanu narapikang.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

PAOLE 32:5

Mingka ikaumi bansa tenaya namajarre' pa'mai'nu, bansa jaia jekkonna siagang dosana, tenayamo nanibilangngi umma'Na.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

FILIPI 3:6

Ba'lalo, lanri lompona sumangakku, sa'genna kusessamo anggota jama'aka. Punna niciniki battu ri passala' hukkung-hukkung agama Yahudia, inakkemi tau baji' siagang tena callangku.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

1 TIMOTIUS 3:10

Parallui nipilajari baji' rolong ke'nanga; na punna tenaja apa-apa callanna ke'nanga, nampami akkulle niangka' ke'nanga a'jari pambantu lalang ri jama'aka.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 5:14

Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

1 TIMOTIUS 5:7

Pabattui anne sikamma pappakaingaka mae ri ke'nanga, sollanna natangkasi katallassanna ke'nanga, natena callanna.

TITUS 1:6

Se'rea pamimping jama'ah parallui tau tenaya callanna; musti sitauji bainenna; ana'-ana'na musti tappa'mi ri Almasi, siagang teai ana'-ana' bambala' yareka tenaya nakkulle niatoro'.

TITUS 2:10

yareka a'lukka'. Parallui tuli napappicinikang sipa' baji'na siagang tamamminrana ke'nanga; sollanna akkulle napuji taua pangngajarang battua ri Allata'ala, Mappasalamatta, lanri yangasenna anjo apa nagaukanga ke'nanga.

TITUS 2:15

Pangngajarrangi yangasenna anjo, siagang pakaingaki kammayatompa piu'rangi sikamma tau mallangngereka; usahakangi nangngali' ke'nanga mae ri kau. Teako pa'biangi kalennu nicini' tuna ri taua.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.