FILIPI 1:30 - KITTA' MATANGKASA'

³⁰ Kamma-kamma anne amminawang ngaseng tongko siagang inakke lalang anne se'rea jama-jamang; iamintu jama-jamang le'baka nucini' kugaukang riolo, siagang kugaukanga ija sa'genna ri kamma-kammaya anne, kamma nulangngereka kamma-kamma anne.

FILIPI 1:30 Iomraidhean Croise

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

FILIPI 1:13

Passabakkang kammaminjo nanaasseng ngasemmo pangawala'na balla' karaenga siagang tau maraengannaya anrinni ri kotaya, angkanaya passabakkang a'jari palayangku mae ri Almasi nanitarungkua'.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

KOLOSE 2:1

Kukellai sollanna nuasseng antekamma heba'na usaha kugaukanga untu' ikau siagang untu' tau niaka ri pa'rasangang Laodikia, kammayatompa sikamma tau tenayapa naasseng bajikka'.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

IBRANI 12:4

Nasaba' lalang nuusahaina angngewai dosaya, tenapa nasa'genna musti nia' cera' tassolong.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.