FILIPI 1:22 - KITTA' MATANGKASA'

²² Mingka, punna lanri attallasakku ri anne linoa nakkulle kugaukang jama-jamang la'bi niaka matu-matunna, takuassengami angkana kereanga lakupilei.

FILIPI 1:22 Iomraidhean Croise

PA'JARIANG 21:26

Nakanamo Abimelekh, “Takuassengai angkana inai anggaukangi anjo kammaya. Tena le'bakai nupau mae ri nakke; nampami anne kulangngere' anjo passalaka.”

PA'JARIANG 39:8

Mingka taerokai Yusuf. Nakanamo Yusuf ri ia, “Pammopporanga' Ibu'. Le'ba'mi napappirannuang ngaseng Potifar sikontu apa-apanna mae ri nakke. Tenamo naparallu ampikkiriki apa-apa niaka lalang ri anne ballaka.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

LAMPA-LAMPANA 3:17

Sikamma sari'battangku ngaseng! Kamma-kamma anne kuassemmi angkanaya anjo apa nugaukanga siagang pamimping-pamimpinnu mae ri Isa, apa tena ngaseng nanupahangi nanugaukangi.

ROMA 1:13

Sikamma sari'battangku! Eroki kupappiassengang ri kau ngaseng angkanaya, sikontutojenna a'mole-mole sikalima' ero' battu angkunjungi ngasengko, mingka tuli nia' salibanra. Sanna' erokku, sollanna nia' todong wassele' jama-jamangku ri tangnga-tangnganu, sangkamma ri pa'rasangang maraenga ri tangnga-tangngana bansa maraenga.

ROMA 11:2

Tena! Tena naNapelaki umma'Na Allata'ala, le'baka Napile battu ri uru-uruna. Nuasseng ngasenji apa tattulisika lalang ri Kittaka, ri passala'na Na'bi Elia, ri wattunna natuntu' bansa Israelka mae ri Allata'ala. Nakana Na'bi Elia,

2 KORINTUS 10:3

Memang lalang ijaki' ri linoa attallasa', mingka teai lanri untu' anne linoa nabarjuang ikambe.

GALATIA 2:20

Kamma-kamma anne teaimi kalengku attallasa' mingka Almasi attallasa' ri kalengku. Anne katallassang niaka ri nakke kamma-kamma anne, iamintu katallassang matappa' mae ri Ana'Na Allata'ala, mangngamaseanga ri nakke, siagang le'baka angkoro'bangkangi KalenNa untu' katallassangku.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

FILIPI 1:24

Mingka lanri untu' kaparalluannu ngaseng, bajikangangi punna ammantanga' ri lino.

KOLOSE 2:1

Kukellai sollanna nuasseng antekamma heba'na usaha kugaukanga untu' ikau siagang untu' tau niaka ri pa'rasangang Laodikia, kammayatompa sikamma tau tenayapa naasseng bajikka'.

1 PETRUS 4:2

Lanri kammana, paralluko anturuki ero'Na Allata'ala lalang tallasa' lanudallekanga pole, ri anne linoa siagang teai kaerokang rupatau nuturuki.