FILIPI 1:20 - KITTA' MATANGKASA'

²⁰ Iaji kukaerokia siagang kuminasaia, iamintu: tapporo tena sikali laloja nakusia-sia lalang ri jama-jamangku. Mingka tuli ma'minasaku, la'biangampa ri kamma-kammaya anne, sollanna akkulle a'jari barani nyawaku siagang batangkalengku – baji' na ri wattu attallasakku yareka ri wattu mateku – kupakala'biriki Almasi.

FILIPI 1:20 Iomraidhean Croise

PAMMUJI 119:116

Kipakajarreka' situru' janjinTa sollangku attallasa', teaKi' balang parekangia' nila'bai pa'maikku lalang ri panrannuangku.

PAMMUJI 119:80

Poro tena nammengka pa'maikku battu ri katantuanTa, sollanna tena kunggappa siri'.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

PANGNGEBARANG 10:28

Panrannuanna tau bajika ampa'jari mate'nei; panrannuanna tau ja'dalaka tena sikali bonena.

PANGNGEBARANG 23:18

sollanna baji' allo ri bokonu, siagang tena natappela' panrannuannu.

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

YESAYA 50:7

Saba' Karaeng Allata'ala antulunga' na tena kunipakasiri'. Kupakajarreki pa'maikku na kusa'bara'; kuassengi angkanaya tena kulanipakasiri'.

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

YOHANES 21:19

(Lalang akkana kammana anjo Isa, Napaumi angkanaya antekamma sallang batena lamate Petrus lanri ero'na ampakala'biriki Allata'ala.) Le'baki anjo, Nakanamo Isa ri Petrus, “Amminawang mako ri Nakke!”

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

LAMPA-LAMPANA 4:31

Le'baki ke'nanga appala' doang, a'gio'mi anjo tampa' napammantangia ke'nanga a'rappungang. Nikoasai ngasemmi ke'nanga ri RohNa Allata'ala. Siagang appakkaramulami ke'nanga a'jari sanna' baranina a'bicara ri passala'na kabara' battua ri Allata'ala.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

ROMA 6:19

Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

ROMA 8:19

Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

1 KORINTUS 15:31

Sikamma sari'battangku ngaseng! Allo-allona kuparrangi nikanaya sessa lanri lompona pa'maikku mae ri katallassannu ngaseng, lanri tappa' mako mae ri Isa Almasi, Batarata.

1 KORINTUS 6:20

Le'ba' mako Naballi Allata'ala, siagang lappasa'mi ballinnu. Lanri kammana, katutuimi anjo batangkalennu, sollanna akkulle nupa'matu-matu untu' ampakala'biriki Allata'ala.

1 KORINTUS 7:34

kale'bakkanna ta'bagemi pikkiranna. Baine tenaya na'bura'ne, yareka se'rea tulolo, lala'bi jaiangammi ero'Na Batara napikkiri', lanri ero'na napassareang sikontu katallassanna a'jari Allata'ala pata. Mingka baine niakamo bura'nenna, napasse'remi pikkiranna mae ri passala' pakkalinoanga, lanri eroki napakasannang nyawana bura'nenna.

2 KORINTUS 10:8

Tena nakusiri'-siri' tuli angkalompoang pa'maiki kakoasang le'baka Napassareang Batara mae ri kambe. Nasaba' anjo kakoasanga eroki nipake untu' ambangungko. Teai untu' anruntungko.

2 KORINTUS 3:12

Lanri nia'namo anne panrannuang kammaya ri kambe, nabaranimo ikambe a'bicara kamma anjo.

2 KORINTUS 4:10

Tuli niaki nikasia' kamateanNa Isa ri kalenna ikambe. Sollanna a'nyata todong katallassanNa ri tubuna ikambe.

2 KORINTUS 5:15

Matemi Almasi untu' sikontu rupataua, sollanna punna attallasa' rupataua, tenamo nauntu' kaparalluang kalenna bawang punna attallasa'; passangalinna untu' Almasi, iamintu le'baka mate siagang nipattallasa' poleanga ammotere' untu' kaparalluanna ke'nanga.

2 KORINTUS 7:14

Memang, le'ba'mi kucarita mae ri ia antekamma baji'nu ngaseng. Sukkuru'ma', lanri tenaja nanupakasirika'. Ma'nassa kontutojeng ngasengi anjo apa-apa le'baka nacarita ikambe mae ri kau ngaseng. Kammayatompa anjo apa-apa le'baka nacarita ikambe mae ri Titus ma'nassa kontutojeng ngasengi.

2 KORINTUS 7:4

Sanna' sikali kupatappa'nu ngaseng. Ba'lalo sanna' lompona pa'maikku lanri ikau ngaseng! Manna mamo najai kasukkarang antujui ikambe, mingka sanna'mi nisaleorinna atingku lanri ikau ngaseng. Sanna' tojeng rannuna atingku!

FILIPI 1:14

Siagang lanri iaminne nitarungkuku nujaimo tu Karisteng anrinni ri kotaya a'jari pila' tappa' mae ri Batara; sa'genna pila' baranimo ke'nanga ambirittakangi pappasanNa Allata'ala.

FILIPI 2:17

Nakulle kapang lanibunoa' siagang latassolongi cerakku anjari sangkamma koro'bang nipatirika irate ri apa nupassareanga mae ri Allata'ala anjari' pammatei angkana tappakko ri Ia. Punna memang musti kammai anjo, appala' sukkuruka', siagang amminawang tonga' rannu siagang ikau ngaseng.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

1 PETRUS 4:16

Mingka punna nukasia' sessaya lanri Karistennu, teako siri'-siriki lanri anjo passalaka. Appala' sukkurukko mae ri Allata'ala, angkanaya nuerammi arenNa Almasi.

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.