FILIPI 1:17 - KITTA' MATANGKASA'

¹⁷ Mingka anjo tau maraengannaya, lanri pattujuang sala nanabirittakang Almasi; untu' kaparalluang kalenna nanabirittakang ke'nanga anjo Kabara' Bajika. Napikkiriki ke'nanga angkanaya lakkullea' napa'jari pila' susa lalang ri tarungkua punna nagaukang ke'nanga anjo sikammaya.

FILIPI 1:17 Iomraidhean Croise

LUKAS 21:14

Pakajarreki pa'mai'nu, sollanna tena nularanggasela angkanaya apa lanupau angngalleangi kalennu.

LAMPA-LAMPANA 22:1

“Ikatte ngaseng bapa'-bapaka, siagang sari'battanga ngaseng! Eroki kupakasingara' kalengku mae ri katte ngaseng. Jari pilangngerimi anne kanangku!”

LAMPA-LAMPANA 26:1

Nakanamo Agripa mae ri Paulus, “Kamma-kamma anne nisareko kasampatang a'bicara, untu' ampakasingaraki kalennu punna tena nusala.” Jari naangka'mi limanna Paulus nampa a'bicara kamma anne.

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

ROMA 2:8

Mingka inai-nai sangnging kaparalluang kalennaji bawang naparutusu', siagang tamaerokai mannuruki ri Allata'ala, passangalinna tau ja'dalakaji naturuki, iami lasanna' nikalarroina ri Allata'ala.

FILIPI 1:18

Mingka tena nangngapa! Nasaba' manna pole antekamma, iaka nanigaukang anjo jamanga lanri pattujuang baji' yareka napattujuang sala, mingka kanibirittakang mangkaji Almasi; jari, sannangi kusa'ring pa'maikku. Na tuli lakammana sannanna pa'maikku;

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

FILIPI 2:3

Teako na lanri kaparalluang kalennu nanugaukang se'rea jama-jamang, yareka lanri ero'na nupattampo-tampoang kalennu. Mingka paralluko massing tuna pa'mai', nanucini' bajikangang taua na kalennu.

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

2 TIMOTIUS 2:9

Lanri kubirittakannamo Kabara' Bajika, nakukasia'mo kasessanga; ba'lalo nirantema' sangkamma tau sannaka ja'dala'na. Mingka anjo kana-kananNa Allata'ala takkulleai nirante.

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!