FILEMON 1:5 - KITTA' MATANGKASA'

⁵ Nasaba' kulangngere'mi kabara'nu angkanaya nukamaseangi sikontu umma'Na Allata'ala, siagang tappa' tojeng-tojeng mako mae ri Batara Isa.

FILEMON 1:5 Iomraidhean Croise

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

1 KORINTUS 16:1

Kamma-kamma anne passala'na doe' eroka nupassareang a'jari sumbangang mae ri paranta tu Karisteng; kukellaiko sollanna nugaukang situru' apa le'baka kupau mae ri jama'aka ri Galatia.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

EFESUS 1:15

Lanri kammana, ri uru kulangngere'na angkanaya tappa' mako mae ri Batara Isa, siagang nukamaseammo sikontu Umma'Na Allata'ala,

1 TESALONIKA 3:6

Kamma-kamma anne nia'mi ammotere' Timotius; siagang napabattumi ri kambe kabara' nakarannuanga ikambe, iamintu ri passala'na katappakkannu mae ri Almasi siagang passikamaseannu. Napabattumi ri kambe angkanaya tuli nuu'rangi baji'na ngaseng ikambe lalang ri pa'mai'nu ngaseng. Siagang angkanaya ero' ngasengko angngagangi ikambe assicini', sangkamma todong ikambe sanna' todong ero'na ikambe angngagang ngasengko assicini'.

FILEMON 1:7

Pangngarimangnginnu mae ri sikontu umma'Na Allata'ala, sari'battang, napakarannui pa'maikku siagang napakalompoi sumangakku! Tassaleori ngasemmi sikontu Umma'Na Allata'ala lanri ikau.

1 YOHANES 3:23

Ia Napassuroanga mae ri katte iamintu: musti tappakki' mae ri Ana'Na, iamintu Isa Almasi; siagang musti massing sikamaseangki', sangkamma le'baka Napassuroang Almasi mae ri katte.