FILEMON 1:22 - KITTA' MATANGKASA'

²² Pantaranganna anjo, pappasadianga' tampa' ri balla'nu; nasaba' kuminasai ri Allata'ala naNasareangko pappala'nu ngaseng, iamintu nanaeranga' ammotere' mae ri tangnga-tangnganu.

FILEMON 1:22 Iomraidhean Croise

LAMPA-LAMPANA 27:24

Nakana anjo malaekaka, ‘Teako mallakki Paulus! Nasaba' lamangeko andallekang ri Karaenga ri Roma. Lanri kabajikanNa Allata'ala mae ri kau, nasikontu anne tau nuaganga assombala', lanipasalama' ngasengi passabakkang ikau.’

LAMPA-LAMPANA 28:23

Jari appattantumi ke'nanga siagang Paulus se're allo untu' a'rappungang pole. Anjo alloa jai tau battu mange ri pammantanganna Paulus. Battu ri bari'basa' sa'genna karueng napakasingara'mi siagang napabattumi Paulus anjo biritta battua ri Allata'ala siagang Pamarentahanna. Napakemi Paulus apa-apa niaka tattulisi' lalang ri Kitta'na Musa siagang Kitta'na Na'bi-na'bia, ampakasingariangi ke'nanga sollanna a'jari tappa' ke'nanga mae ri Isa.

ROMA 15:24

Sallang punna a'lampa' mange ri pa'rasangang Spanyol, erokka' assengka ri kota nupammantangia; nakuma'minasa sollanna akkulleki' assibuntulu', nakukkulle a'rannu-rannu sinampe' siagang ikau ngaseng. Napunna le'baki anjo, kuminasai sollanna akkulle ngasengko ambantua' untu' anjo pa'lampangku mange ri Spanyol.

2 KORINTUS 1:11

Tappaki ikambe angkanaya lanri pappala' doangannu ngaseng, tena tanipasalama'na pole ikambe ri Allata'ala battu ri bahayaya. Najaimo tau appala' sukkuru' ri Allata'ala, iamintu sikontu tau le'baka appala' doang, nasaba' nitarimana pappala' doanna, iamintu lanri nibarakkakinamo ikambe ri Allata'ala.

FILIPI 1:19

nasaba' kuassengi angkanaya lanri pappala' doangannu ngaseng, siagang lanri pannulunNa RohNa Isa Almasi, nakulanipakabebasa'.

FILIPI 2:24

Matappaka' angkanaya lanri pannulunNa Batara, tena tommo nasallo nakubattu todong angkunjungiko.

IBRANI 13:19

Kalengku pole ampala' dudui, sollanna nupappala' doanganga', sollanna linta' Allata'ala ampoteranga' mae ri kau.

IBRANI 13:23

Parallui nuasseng angkanaya nilappassammi sari'battanta Timotius battu ri tarungkua. Punna battu sallang anrinni ri tampakku, kuerang tonji antu sallang battu angkunjungiko.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

2 YOHANES 1:12

Jai sikali parallu lakupau mae ri kau ngaseng, mingka bajikangangi punna tena nakupalalangi ri suraka. Kuminasai nakuakkulle battu angkunjungiko siagang kalengku a'bicara mae ri kau ngaseng, sollanna akkulle rannu tojeng-tojeng atinta.

3 YOHANES 1:14

Kuminasai angkanaya tenamo nasallo nakilasibuntulu', naki'bicara kalenta.