FILEMON 1:2 - KITTA' MATANGKASA'

² siagang anggota jama'ah niaka a'rappungang ri balla'nu; kammayatompa untu' sari'battang baineta Apfia na sipa'julu jama-jamanta iamintu Arkhipus.

FILEMON 1:2 Iomraidhean Croise

ROMA 16:1

Eroki kupappiassengang ri kau ngaseng, sari'battang baineta, iamintu Febe. Iami ambantui jama'aka ri Kengkrea.

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

1 KORINTUS 16:19

Sallanna sikamma jama'aka ri butta Asia mae ri kau ngaseng. Kammayatompa Akwila siagang Priskila, kammayatompa pole sikontu jamaah niaka a'rappungang ri balla'na ke'nanga, appikatu ngasengi sallang Karisteng mae ri kau ngaseng.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

KOLOSE 4:15

Pabattu tongi sallanna ikambe mae ri sikamma sari'battanta tu Karistenga ri Laodikia; kammayatompa mae ri sari'battanta Nimfa siagang sikamma jama'ah a'rappunganga assambayang ri balla'na.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”