FILEMON 1:1 - KITTA' MATANGKASA'

¹ Natarimai Filemon, sari'battanna siagang belana ikambe! Battu ri nakke Paulus nitarungkua kamma-kamma anne passabakkang Isa Almasi; siagang pole sari'battanta Timotius. Ikambemi ampareki anne suraka untu' ikau

FILEMON 1:1 Iomraidhean Croise

LAMPA-LAMPANA 16:1

Napatulusu'mi lampana Paulus mange ri Derbe, nampa mange ri Listra. Anjoreng nia'mo se're tu tappa' ri Isa niareng Timotius. Amma'na tu Yahudi, tappakamo ri Isa; mingka manggena tu Yunani.

1 KORINTUS 3:9

Ikambe sangkamma jaki' para tau anjama ri Allata'ala; na ikau sanrapangko kokonNa Allata'ala. Yareka sanrapang tongko balla' bangunanNa Allata'ala.

2 KORINTUS 1:1

Sikamma sari'battangku, anggota jama'aNa Allata'ala ri Korintus, kammayatompa sikontu Umma'Na Allata'ala niaka ri sikontu butta Akhaya. Inakke Paulus, le'baka niangka' a'jari tunisuroNa Isa Almasi lanri ero'Na Allata'ala, kammayatompa sari'battanta Timotius;

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

EFESUS 4:1

Iaminjo saba'na nainakke anne tu nitarungkua lanri kulayanina Batara, kupala' dudui ri kau ngaseng: bajikimi empoang tallasa'nu situru' empoannu salaku tu le'bakamo nikio' ri Allata'ala.

EFESUS 6:20

Passala' iaminjo Kabara' Bajika nakua'jarimo se're tunisuro, niaka kamma-kamma anne lalang ri tarungkua. Pappala' doanganga', sollangku barani ambicarai anjo Kabara' Bajika, situru' apa siratanga lakubicara.

FILIPI 1:1

Natarimai sikontu sari'battangku umma'Na Allata'ala, niaka ammantang ri Filipi, asse'reamo siagang Isa Almasi. Kammayatompa sikamma pamimpinga siagang pambantuna jama'aka! Inakke Paulus, siagang Timotius, pajama-jamaNa Isa Almasi;

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

KOLOSE 1:1

Natarimai sikamma sari'battangku, umma'Na Allata'ala niaka ri Kolose, majarreka asse're siagang Almasi! Battu ri nakke, Paulus, niangkaka a'jari tunisuroNa Isa Almasi, lanri ero'Na Allata'ala, siagang sari'battanta Timotius; ma'minasaki' mae ri Allata'ala Manggea, nuporo Nasare barakka' siagang katallassang salewangang.

KOLOSE 4:11

Sallanna pole Yesus nigallaraka todong Yustus. Battu ri sikamma tu Yahudi tappakamo mae ri Batara Isa, iaji anne bawang ke'nanga tallua angngaganga' anggaukangi jama-jamang battua ri Allata'ala. Teai sipato' natulungku tojeng ke'nanga.

1 TESALONIKA 3:2

nanisuro riolo sari'battanta Timotius battu mae ri kau: Anne Timotius, iami palayanNa Allata'ala, assiaganga ikambe anjama untu' ambirittakangi Kabara' Bajika, iamintu ri passala'na Almasi. Kisuromi Timotius battu mae ri kau ngaseng, sollanna napakajarrekko siagang napamajuko nupila' tappa' mae ri Almasi.

2 TESALONIKA 1:1

Natarimai sikontu sari'battangku, iamintu jama'ah niaka ri Tesalonika, a'jaria Umma'Na Allata'ala Manggeta siagang Batara Isa Almasi! Ikambe, iamintu Paulus, Silas siagang Timotius,

2 TIMOTIUS 1:8

Lanri kammana, teako siri'-siriki a'jari sa'bi mae ri Batarata, siagang tea tongko kasirikangia', ia nitarungkua lanri Batarata. Mingka, lanri kagassingang nugappaya battu ri Allata'ala, siratangko angkasia' tongi kasessanga untu' anjo Kabara' Bajika.

FILEMON 1:23

Appikatui sallang Epafras, mae ri kau ngaseng. Nia' tongi anrinni lalang ri tarungkua siagang inakke passabakkang Isa Almasi.

FILEMON 1:24

Tarima tommi sallanna agangku ngaseng iamintu: Markus, Aristarkhus, Demas siagang Lukas.

FILEMON 1:9

Mingka lanri kukarimangnginnu, kupala'ji bawang mae ri kau. Inakke anne toama', siagang nitahanga' lalang ri tarungkua ri kamma-kammaya anne passabakkang Isa Almasi.