ESTER 9:25 - KITTA' MATANGKASA'

²⁵ Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

ESTER 9:25 Iomraidhean Croise

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

ESTER 3:6

Na ri wattunna naasseng angkana tu Yahudi anjo Mordekhai, angngallemi kaputusang untu' anghukkungi Mordekhai. Ba'lalo teai iaji bawang, mingka lanapa'la'busu' tongi sikontu tu Yahudi niaka ri kakaraenganna Persia.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

ESTER 7:4

Nasaba' le'ba'mi anne atanta siagang bansana atanta nibalukang untu' nibuno. Ebara' angkana nibalukangi anne ikambe poro untu' nipa'jari ata, tenaja nalakkana-kana atanta siagang tenaja nalanasusai karaengku. Mingka kamma-kamma anne laniancuru'mi siagang laniputtami anne ikambe!”

ESTER 7:5

Jari akkuta'nammi Karaeng Ahasyweros ri Ratu Ester angkana, “Inai barani appanggaukang kamma anjo? Kemae taunna?”

PAMMUJI 140:8

O, Batara, Allata'alaku, mappasalamakku magassinga, le'ba'ma' Kijagai lalang pa'bundukang.

PAMMUJI 140:9

TeaKi' turukiangi ero'na tau ja'dalaka, o, Batara, teaKi' lappassangi anjari rancanana ke'nanga.

PAMMUJI 141:10

Boli'mi kamma tu'guru' ke'nanga antama' ri sikko' kalenna, mingka inakke poro salamaka'.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

PAMMUJI 7:17

Jari nihukkungi lanri kaja'dallang kalenna tonji, siagang nisessai lanri kapala batuna tonji.

PAMMUJI 94:23

Nahukkungi tau ja'dalaka situru' kaja'dallanna, Natongkoki bawana ke'nanga lanri dosana ke'nanga. Karaeng Allata'alata lantongkoki bawana ke'nanga.

PANGNGEBARANG 26:27

Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YESAYA 22:25

Punna kajariang anjo kammaya, anjo paku nipasang jarreka lata'lappasaki nampa tu'guru'. Nampa ia tomminjo kala'busanna sikamma bija pammanakanna siagang sikamma tau a'dingkolenga mae ri ia. INakke, Batara, anne le'ba' akkana kamma.”

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.