ESTER 9:2 - KITTA' MATANGKASA'

² Ri sikamma kotaya, asse're ngasemmi tu Yahudia untu' ambunduki sikamma tau eroka a'gau' ja'dala' mae ri ke'nanga. Kemae-kemae sikontu bansaya a'jari malla' ngasemmi ri ke'nanga, sa'genna manna sitau tania' barani andallekangi ke'nanga.

ESTER 9:2 Iomraidhean Croise

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

ESTER 8:11

Bonena anjo suraka iamintu angkanaya nisarei ising tu Yahudia ri sikontu kotaya untu' ampasse'rei kalenna siagang najagai kalenna. Punna nibunduki ke'nanga ri tau niaka sanjatana, manna pole battu ri bansa kemae yareka manna pole battu ri propinsi kemae. Akkullei ke'nanga angngewa siagang ambunoi anjo tau battua ambunduki. Manna ana'na siagang bainenna ke'nanga akkullei nabuno. Akkullei nabuno ke'nanga anjo sikontu musunna sa'genna la'busu' siagang akkullei narampasa' pa'barang-baranganna.

ESTER 8:17

Kammayatompa ri sikamma kotaya siagang propinsia, kemae-kemae nibaca anjo sura' parentana karaenga, rannu ngasemmi tu Yahudia, assannang-sannang siagang assua'-suara'mi ke'nanga. Ba'lalo jaimi battu ri panduduka antama' a'jari bansa Yahudi, lanri malla'na ke'nanga ri anjo bansaya.

PAMMUJI 71:13

Boli'mi kamma nipakasiri' siagang nipa'lanynya' tau ambakkaia'. Boli'mi kamma a'jari lingu siagang a'jari hina tau eroka ancilakaia'.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

KALAPPASSANG 23:27

Sikamma bansa nubattuia laKupa'jari malla' ngasengi mae ri Nakke; laKukacoi ke'nanga; sikontu musunnu la'giling ngasengi nampa lari.

YESAYA 8:9

Annekkere' mako nu'rappungang, he sikontu bansaya! Pilangngeri he sikamma cappa'-cappa' buttaya! Sadiako untu' a'bundu', mingka siagang pa'mai' annekkereka! Iyo, sadia-sadiako, mingka lalang malla'nu!

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

YOSUA 11:20

Nipa'jari terasaki pa'mai'na ke'nanga ri Batara untu' a'bundu' siagang tu Israel, sollanna niancuru' ke'nanga, siagang nibuno tanikamaseang situru' parentaNa Batara mae ri Musa.

YOSUA 2:9

nampa nakana ri ke'nanga, “Kuassengi angkanaya le'ba'mi Napassareang Batara anne pa'rasanganga mae ri kau ngaseng. Sikontu tau niaka anrinni malla' ngasengi ri kau ngaseng.