ESTER 9:16 - KITTA' MATANGKASA'

¹⁶ Sikamma tu Yahudi ammantanga ri propinsi-propinsia asse're tommi untu' anjagai kalenna. Nabetami musunna ke'nanga siagang nia' 75.000 tau birisika ri ke'nanga nabuno. Mingka tena nagaukangi ke'nanga angngellaka.

ESTER 9:16 Iomraidhean Croise

PA'JARIANG 34:27

Le'baki nagaukang anjo pammunoanga ke'nanga, battu tommi ana'na Yakub maraenganga anrampasaki barang-baranna taua ri anjo kotaya, a'jari pa'balasa' lanri le'ba'na nigau' sala andi'na ke'nanga.

ESTER 8:11

Bonena anjo suraka iamintu angkanaya nisarei ising tu Yahudia ri sikontu kotaya untu' ampasse'rei kalenna siagang najagai kalenna. Punna nibunduki ke'nanga ri tau niaka sanjatana, manna pole battu ri bansa kemae yareka manna pole battu ri propinsi kemae. Akkullei ke'nanga angngewa siagang ambunoi anjo tau battua ambunduki. Manna ana'na siagang bainenna ke'nanga akkullei nabuno. Akkullei nabuno ke'nanga anjo sikontu musunna sa'genna la'busu' siagang akkullei narampasa' pa'barang-baranganna.

ESTER 9:2

Ri sikamma kotaya, asse're ngasemmi tu Yahudia untu' ambunduki sikamma tau eroka a'gau' ja'dala' mae ri ke'nanga. Kemae-kemae sikontu bansaya a'jari malla' ngasemmi ri ke'nanga, sa'genna manna sitau tania' barani andallekangi ke'nanga.

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

PAMMUJI 37:15

Mingka tu ja'dalaka lanicokai ri pa'dang kalenna, lanitepoki anrong panana ke'nanga.