ESTER 9:1 - KITTA' MATANGKASA'

¹ Kale'bakkanna narapi'mi tanggala' sampulo antallu bulang Adar, iamintu allo le'baka nipattantu untu' anggaukangi parentana karaenga mae ri tu Yahudia. Anjo alloa sallomi natayang-tayang sikamma musu-musunna tu Yahudia untu' angkoasai anjo bansaya. Mingka kajarianna ba'lalo tu Yahudia ambetai ke'nanga.

ESTER 9:1 Iomraidhean Croise

2 SAMUEL 22:41

Kipalari musungku battu ri nakke; Kipossoki sikamma tau birisika mae ri nakke.

ESTER 3:7

Ri makasampulona anrua taung ammarenta Karaeng Ahasyweros, ri bulang se're, iamintu niarenga bulang Nisan, assuro cini'mi allo Haman, iamintu nasuro goccangi anjo nikanaya “purim”, untu' angngassengi angkanaya allo apa siagang bulang siapa nacoco' nagaukang anjo pikkirang ja'dala'na. Nipattantumi angkana tanggala' sampulo antallu, bulang sampulo anrua, iamintu niarenga bulang Adar.

ESTER 8:12

Anjo parentaya musti nigaukangi ri sikontu kakaraenganna Persia, ri allo le'baka napattantu Haman untu' ambunoi tu Yahudia, ri tanggala' sampulo antallu bulang sampulo anrua, iamintu niarenga bulang Adar.

ESTER 8:6

Antekamma lakkulle naparrangngi atanta anciniki bansana siagang bija pammanakanna niputta?”

ESTER 9:17

Anjo kajarianga tanggala' sampulo antallu bulang Adar. Allo ammukona, iamintu tanggala' sampulo angngappa, tenamo nammuno ke'nanga manna pole inai. Mingka napakalompomi ke'nanga anjo alloa siagang a'rannu-rannu.

PAMMUJI 18:40

Kisarea' kagassingang untu' a'bundu', siagang pammetang mae ri sikamma musungku.

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

LAMPA-LAMPANA 12:11

Le'baki anjo nampami naasseng Petrus anjo apa le'baka kajariang ri kalenna. Nakanamo ri kalenna, “Kamma-kamma anne kuassemmi angkanaya ma'nassa Nasuromi malaeka'Na Batara battu allappassanga' battu ri kakoasanna Herodes siagang battu ri sikontu apa eroka nagaukang bansa Yahudi mae ri nakke.”

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PAPPICINI' 11:18

A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”