ESTER 8:9 - KITTA' MATANGKASA'

⁹ Anjo memang alloa, iamintu ri tanggala' 23 bulang tallu, iamintu niarenga bulang Siwan, nakio'mi Mordekhai sikamma jurutulisi'na karaenga. Nampa naparentakang ke'nanga annulisi' sura' mange ri sikamma guburnur, bupati, siagang tumalompoa ri anjo 127 propinsi, appakkaramula battu ri India sa'genna mange ri Sudan. Anjo sura'-suraka ngaseng nitulisiki lalang bicara siagang tulisang niaka ri massing-massing propinsia. Nakiring tommi anjo suraka mange ri tu Yahudia, lalang bahasana siagang lalang tulisanna tu Yahudia.

ESTER 8:9 Iomraidhean Croise

2 KARAENG-KARAENG 18:26

Nakanamo Elyakim, Sebna siagang Yoah ri anjo perwiraya, “A'bicaraki' lalang bicara Aram karaeng, kakkulleji napahang ikambe. Teaki' ammakei bicara Ibrani, gassingka napahangi ra'ya' niaka irate anjoreng ri tembo'na kotaya.”

2 PATTOTTORANG 15:10

a'rappung ri Yerusalem. Jari a'rappummi ke'nanga ri bulang tallu ri taung makasampulo allima ammarentana Asa.

ESTER 1:1

Ri Susan, ibukotana Pa'rasangang Persia, nia' se're karaeng ammarenta, niarenga Ahasyweros. Pa'rasangang naparentaya nia' 127 daera propinsi, appakkaramula battu ri daera India sa'genna mae ri daera Sudan.

ESTER 1:22

Akkirimmi sura' parenta mange ri sikontu daera propinsi naparentaya, manuru' massing bahasaya siagang tulisanga ri anjo propinsia. Ia bonena anjo parentaya iamintu ilalang sikontu ruma tanggaya, musti tubura'-bura'nea a'jari kapala, siagang ia musti angngalle kaputusang ilalang sikontua passala'.

ESTER 10:1

Karaeng Ahasyweros napassai taua anjama; teai ri ra'ya' niaka bawang ri biring-biring tamparang napassa anjama, mingka manna sikamma ra'ya' niaka ri padalamang lalang ri kakaraenganna napassa ngasengi anjama.

DANIEL 4:1

Iaminne apa napa'la'banga Karaeng Nebukadnezar, ia nakiringa mae ri sikamma tau niaka battu ri sikontu bansaya, suku bansaya siagang bahasaya, ri sikontu linoa: “Salama' battu ri nakke!

DANIEL 6:1

Le'baki nibuno Belsyazar, Darius tu Media angngallei empoang kakaraenganga. Anjo wattua umuru'na annampulo anrua taung.

DANIEL 6:25

Nampa naparentakang karaenga sollanna nijakkala' kabusu' anjo sikamma tau antuduai Daniel. Nampa ke'nanga siagang ana'-ana'na, bainenna, kabusu'na nipasambila ngasengi antama' ri leanna singaya. Tenapa nabattu ke'nanga naung ri dapara' anjo leanga, na nibakkaimo nikokko' ke'nanga ri singa-singaya siagang nilica' sa'genna buku-bukunna ke'nanga.