ESTER 8:6 - KITTA' MATANGKASA'

⁶ Antekamma lakkulle naparrangngi atanta anciniki bansana siagang bija pammanakanna niputta?”

ESTER 8:6 Iomraidhean Croise

PA'JARIANG 44:34

Antekamma lakkulle anne atanta ammotere' mae ri manggena ikambe punna tena nammotere' anjo anaka? Tanakulleai natahang atanta anciniki sallang musiba antabayai anjo manggena ikambe.”

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

ESTER 7:4

Nasaba' le'ba'mi anne atanta siagang bansana atanta nibalukang untu' nibuno. Ebara' angkana nibalukangi anne ikambe poro untu' nipa'jari ata, tenaja nalakkana-kana atanta siagang tenaja nalanasusai karaengku. Mingka kamma-kamma anne laniancuru'mi siagang laniputtami anne ikambe!”

ESTER 9:1

Kale'bakkanna narapi'mi tanggala' sampulo antallu bulang Adar, iamintu allo le'baka nipattantu untu' anggaukangi parentana karaenga mae ri tu Yahudia. Anjo alloa sallomi natayang-tayang sikamma musu-musunna tu Yahudia untu' angkoasai anjo bansaya. Mingka kajarianna ba'lalo tu Yahudia ambetai ke'nanga.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.