ESTER 8:11 - KITTA' MATANGKASA'

¹¹ Bonena anjo suraka iamintu angkanaya nisarei ising tu Yahudia ri sikontu kotaya untu' ampasse'rei kalenna siagang najagai kalenna. Punna nibunduki ke'nanga ri tau niaka sanjatana, manna pole battu ri bansa kemae yareka manna pole battu ri propinsi kemae. Akkullei ke'nanga angngewa siagang ambunoi anjo tau battua ambunduki. Manna ana'na siagang bainenna ke'nanga akkullei nabuno. Akkullei nabuno ke'nanga anjo sikontu musunna sa'genna la'busu' siagang akkullei narampasa' pa'barang-baranganna.

ESTER 8:11 Iomraidhean Croise

ESTER 9:18

Mingka tu Yahudi niaka ri kota Susan, tanggala' sampulo allima napakalompo a'jari allo lompo, nasaba' nabunoi musua ri tanggala' sampulo antallu siagang tanggala' sampulo angngappa, nampa ammari ri tanggala' sampulo allima.

PAMMUJI 137:8

He Babel, ikau laniancurukko! Mate'nei tau ambalasakai ri kau kaja'dallang nugaukanga mae ri kambe.

PAMMUJI 68:3

Nibongkai ke'nanga a'lampa ri Allata'ala, sanrapang umbu nituika ri anging nampa lanynya'. Sanrapang liling assolong lalang pepe', kammaminjo lanynya'na tau ja'dalaka battu ri dallekanNa Allata'ala.

YESAYA 10:6

LaKukiringi Asyur mange ambunduki bansaKu a'bokoa ri Nakke siagang ampakanassuA'. LaKusuroi Asyur mange angngellaki, allukkaki siagang angngonjo'-onjokangi bansaKu rapang limbu'bu' ri aganga.”

YEHEZKIEL 39:10

Jari taparalluami ke'nanga appasse're kayu tunuang ri kokoa yareka anna'bang poko' kayu ri romanga, nasaba' sikontu anjo sanjata nibokoia sukku' jaina untu' nipare' kayu tunuang. Lanaellaki siagang lanarampasaki barang-baranna sikamma tau le'baka angngellaki siagang anrampasaki barang-baranna ke'nanga. INakke, Batara Kaminang Tinggia, anne akkana.”