ESTER 7:9 - KITTA' MATANGKASA'

⁹ Nampa nakanamo Harbona, iamintu kalase'renna anjo palayanga, “O, karaeng, ri ampi' balla'na Haman nia' tampa' panggentungang ruampulo metere' tinggina. Le'baki napaenteng Haman anjo panggentunganga untu' anggentungi Mordekhai, tau le'baka ampasalamaki nyawata.” Nampa naparentakammo karaenga angkana, “Gentungi Haman anjoreng ri tampa' panggentunganga anjo!”

ESTER 7:9 Iomraidhean Croise

2 KARAENG-KARAENG 9:32

Accongami Yehu nai' ri tujunna tontonganga, na nakana, “Inai agang mae ri nakke?” Nalangngere'na anjo sa'ra kammaya, nia'mo rua yareka tallu pagawe balla' karaenga attoa' naung.

ESTER 1:10

Ri makatujuna alloa, angnginung-nginummi karaenga siagang sanna' sikali rannuna. Lanri kammana nakio'mi tujua palayang untu' kalenna. Ia arenna ke'nanga iamintu Mehuman, Bizta, Harbona, Bigta, Abagta, Zetar, siagang Karkas.

ESTER 5:14

Nalangngereki bainenna siagang sikamma agang-aganna akkana kamma anjo Haman, nakanamo ke'nanga, “Assuro pare' mamako tampa' pa'gentungang ruampuloa metere' tinggina. Nampa ammukona, ri bari'basaka, appala' isingko mae ri karaenga untu' anggentungi Mordekhai ri anjo tampa' panggentunganga. Lanri kammana anjo akkulle mako mange ri anjo parjamuanga siagang sannang pa'mai'.” Baji' sikali panggappana anjo ke'nanga turu' ri panggappana Haman. Jari nasuromi linta' taua ampareki anjo tampa' panggentunganga.

ESTER 6:14

Lalang a'bicarana ija ke'nanga siagang Haman, nia'mi battu karo-karo sikamma palayanga ri balla' karaenga untu' angngantaraki Haman mange ri parjamuang napareka Ester.

ESTER 6:2

Nia'mo nigappa lalang nicata' angkanaya le'baki nalaporo' Mordekhai usaha eroka ambunoi karaenga, ia narancanakanga Bigtan siagang Teres, iamintu ruaya tau nisare tugasa' anjagai kamara'na karaenga.

ESTER 8:7

Nakanamo Karaeng Ahasyweros mae ri Ratu Ester siagang Mordekhai, “Memang, le'ba'mi kugentung Haman lanri ero'na naputta tu Yahudia. Siagang le'ba' tommi kupassareang barang-baranna mae ri Ester.

ESTER 9:14

Nampa appasulu'mo parenta karaenga untu' anggaukangi anjo pappala'na Ester. Nipasulu'mi sura' parentaya untu' kota Susan, nampa nigentummi anjo sampuloa maya'na ana'na Haman.

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

PAMMUJI 141:10

Boli'mi kamma tu'guru' ke'nanga antama' ri sikko' kalenna, mingka inakke poro salamaka'.

PAMMUJI 35:8

Boli'mi kamma ke'nanga nituju ri posso' tena nasanna-sannai ke'nanga. Boli'mi kamma nijakkala' ke'nanga ri sikko' napareka kalenna nampa tu'guru' na posso'.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

DANIEL 6:7

Appada-padami ke'nanga a'lampa mange andallekang ri karaenga na nakana ke'nanga, “O Karaengku Darius, la'bui umurutta satunggu-tungguna!