ESTER 7:8 - KITTA' MATANGKASA'

⁸ Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

ESTER 7:8 Iomraidhean Croise

ESTER 1:5

Le'baki anjo, appare'mi pole acara passua'-suarrang anjo karaenga untu' sikontu ra'yaka ri kota Susan, baji' ra'ya' kalumanynyanga, kammayatompa ra'ya' kasi-asia. Sidaminggui nigaukang anjo passua'-suarranga, anjoreng ri parang lakkenna balla' karaenga.

ESTER 1:6

Anjo paranglakkenga nibelo-beloi siagang gordeng kaeng lenang gauka nipare' siagang kaeng lenang kebo'. Nampa nisikko' anjo kaeng gordenga siagang otere' kaeng lenang halusu'. Le'baki anjo nipasai'mi ri ponto-ponto niaka nipasang ri benteng-benteng tembo' accillaka. Irawanganna nia' niboli' siapa are koi bulaeng siagang koi pera', ia ta'dongkoka irate ri dapara' tembo' laccuka na kebo'. Anjo daparaka nibelo-beloi tanja'na. Na anjo belo-belona sanrapangi nicini' kaca eja a'lisereka, siagang kuli' mutiara accilla', kammayatompa paramata gau'.

ESTER 6:12

Le'baki anjo ammotere'mi Mordekhai mange ri pakke'bu' lompona balla' karaenga. Mingka anjo Haman, akkaro-karomi ammotere'. Taerokai nicini' ri tau jaia lanri sanna' siri'-siri'na. Jari nabombo'mi rupanna.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 9:24

Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

YESAYA 22:17

Jagako, laKupelakko sa'gennu bella. LaKuta'gala' jarrekko siagang laKugulung-gulungko nampa Kupagulungko rapang golo' mange ri pa'rasangang lompoa. Anjorengko lamate ri sa'rinna karetanu nukalompoang pa'maika. Nura'massimi arenna kaluargana karaennu.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

AMOS 3:12

Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

MARKUS 14:65

Appakkaramulami siapa areang ri ke'nanga ampi'rui rupanNa Isa. Siagang natongko'mi matanNa nampa naba'ji. Nampa nakana ke'nanga, “Coba sai tappu, inai amba'jiKo?” Amminawang ngaseng tommi pangawalaka antempaka'rangi Isa.