ESTER 7:6 - KITTA' MATANGKASA'

⁶ Appialimi Ester angkana, “Iaminne Haman ja'dala' siagang musu ansessayai ikambe!” Sanna'mi malla'na Haman anciniki karaenga siagang ratua.

ESTER 7:6 Iomraidhean Croise

NEHEMIA 6:16

Nalangngere'na musu-musunna ikambe, ia niaka ri alla'na bansa-bansa attammulilia anjoreng, kabara'na anjo passalaka, malla'mi latu'guru' siri' ke'nanga. Nasaba' sikontu taua naassengi angkanaya anjo jamanga nigaukangi lalang pannulunNa Allata'ala.

ESTER 3:10

Nalangngereki karaenga anjo, nabi'bu'mi cincinna battu ri karemenna, ia napake untu' ansitempeleki sikamma sura' nipa'la'bang assaya, nampa napassareang mae ri Haman. Anjo Haman, iami musu lompona tu Yahudia.

ESTER 7:5

Jari akkuta'nammi Karaeng Ahasyweros ri Ratu Ester angkana, “Inai barani appanggaukang kamma anjo? Kemae taunna?”

ESTER 8:1

Anjo memang alloa napassareammi Karaeng Ahasyweros sikamma pa'barang-baranganna Haman mae ri Ester; Haman, musu lompona tu Yahudia. Napaumi Ester mae ri karaenga angkana accikali siagang Mordekhai. Jari appakkaramula anjo wattua nisaremi ha' anjo Mordekhai untu' battu andallekang ri karaenga manna tanisuro kio' la'bi riolo.

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

PANGNGEBARANG 16:14

Pangngalarroinna karaenga sanrapangi kabara' hukkungang mate; tau cara'deka usahai untu' ampanaungi larrona!

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 21:4

Lussaki pa'maikku; annekkerekka' napakamma malla'. Poro malla'ji naerang battu bangngi kuminasaia.

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

1 SAMUEL 24:13

Kiassengi anne paruntu' kana salloa angkanaya, ‘Ia kaja'dallanga tau ja'dalakaji bawang anggaukangi.’ Lanri kammana anjo, taerokai atanta ampa'risiki'.