ESTER 7:10 - KITTA' MATANGKASA'

¹⁰ Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

ESTER 7:10 Iomraidhean Croise

PA'JARIANG 40:22

Mingka anjo pangngurusu' rotia nihukkung matei. Yangasenna anjo kajarianga sicocoki siagang apa le'baka napau Yusuf.

ESTER 2:1

Siapa are wattu ribokoanganna, manna nammarimo larrona karaenga, mingka tuli nanawa-nawa iji anjo panggaukanna Ratu Wasti siagang apa le'baka natappuki mae ri ia.

ESTER 5:14

Nalangngereki bainenna siagang sikamma agang-aganna akkana kamma anjo Haman, nakanamo ke'nanga, “Assuro pare' mamako tampa' pa'gentungang ruampuloa metere' tinggina. Nampa ammukona, ri bari'basaka, appala' isingko mae ri karaenga untu' anggentungi Mordekhai ri anjo tampa' panggentunganga. Lanri kammana anjo akkulle mako mange ri anjo parjamuanga siagang sannang pa'mai'.” Baji' sikali panggappana anjo ke'nanga turu' ri panggappana Haman. Jari nasuromi linta' taua ampareki anjo tampa' panggentunganga.

ESTER 7:7

Teaimi sipato' larrona karaenga. Ammentemmi nampa nabokoi mejanga nampa tulusu' assulu', ri koko balla' karaenga. Naassemmi Haman angkana natappukimi karaenga untu' anghukkungi. Jari ammantammi siagang Ester untu' ampalaki ri Ester sollanna nipalili ri anjo balaya.

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

ESTER 8:7

Nakanamo Karaeng Ahasyweros mae ri Ratu Ester siagang Mordekhai, “Memang, le'ba'mi kugentung Haman lanri ero'na naputta tu Yahudia. Siagang le'ba' tommi kupassareang barang-baranna mae ri Ester.

ESTER 9:14

Nampa appasulu'mo parenta karaenga untu' anggaukangi anjo pappala'na Ester. Nipasulu'mi sura' parentaya untu' kota Susan, nampa nigentummi anjo sampuloa maya'na ana'na Haman.

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

AYUB 18:8

A'jappai lalang sikko', takkai'mi bangkenna.

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

PAMMUJI 37:15

Mingka tu ja'dalaka lanicokai ri pa'dang kalenna, lanitepoki anrong panana ke'nanga.

PAMMUJI 7:16

Angngekei kali'bong untu' tau maraeng, mingka kalenna tu'guru' antama'.

PAMMUJI 94:23

Nahukkungi tau ja'dalaka situru' kaja'dallanna, Natongkoki bawana ke'nanga lanri dosana ke'nanga. Karaeng Allata'alata lantongkoki bawana ke'nanga.

PANGNGEBARANG 11:27

Inai rajeng a'gau' baji' laningai ri taua; mingka inai a'boya kaja'dallang, lanitujui ri kasukkarrang.

PANGNGEBARANG 11:8

Tau bajika nipalili battu ri kasukkarranga; tau ja'dalaka anggappai salibanra.

PANGNGEBARANG 26:27

Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

YEHEZKIEL 5:13

Lanupisa'ringi antekamma lompona pangngalarroingKu siagang pa'jallokangKu sa'genna sukku' Kusa'ring. Punna le'ba' ngasemmo kajariang anjo sikammaya, nampa mako latappa' angkanaya iNakke, Batara, anne a'bicara mae ri kau lanri larroKu mae ri sipa' tenana namattantu pa'mai'nu.

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

DANIEL 6:25

Nampa naparentakang karaenga sollanna nijakkala' kabusu' anjo sikamma tau antuduai Daniel. Nampa ke'nanga siagang ana'-ana'na, bainenna, kabusu'na nipasambila ngasengi antama' ri leanna singaya. Tenapa nabattu ke'nanga naung ri dapara' anjo leanga, na nibakkaimo nikokko' ke'nanga ri singa-singaya siagang nilica' sa'genna buku-bukunna ke'nanga.

ZAKHARIA 6:8

Nampa akkio' anjo malaekaka mae ri nakke angkana, “Anjo jarang a'lampaya mange ri Babel napanaummi larroNa Batara.”

HAKING-HAKING 15:7

Nakanamo Simson mae ri anjo tu Filistin, “O, kammaminne batenu appanggaukang? Assumpa' angkana tena kulammari punna tena nale'ba' kubalasa' mae ri kau ngaseng!”