ESTER 6:9 - KITTA' MATANGKASA'

⁹ Se're tumalompona pa'rasanganga, ia battua ri golongang karaenga, musti ampipakei anjo tau eroka kipakala'biri'. Nampa nierang anjo taua nirurungang ri taua andongkoki jaranna karaenga allalo ri parang lompona kotaya. Anjo tumalompona pa'rasanganga la'jappai ri dallekanna akkiok-kio' angkana, ‘Kammaminne batena karaenga ambilang lompoi tau napakala'birika!’ ”

ESTER 6:9 Iomraidhean Croise

PA'JARIANG 41:43

Nampa napassareang mae ri Yusuf kareta kakaraengang makaruaya untu' napake Yusuf, siagang a'jappami pangawala' kala'biranna karaenga ri dallekanna anjo karetaya, nakkiok-kio' anjo pangawalaka angkana, “Tutuko! Sarei oloang! Sarei oloang!” Kammaminjo naniangka'mo Yusuf a'jari guburnur mange ri sikontu Mesir.

ESTER 6:10

Nampa nakanamo karaenga ri Haman, “Lintakko, allemi anjo pakeanga siagang jaranga, nampa nusare anjo sikamma pappakalala'birika mae ri Mordekhai, anjo tu Yahudia. Gaukammi sangkamma anjo nupaua sumpadeng, teako kurangngi manna sike'de'. Akkullei nubuntulu' sitabang ammempo kamma-kamma anne ri dallekang pakke'bu' lompona balla' karaenga.”

ESTER 6:6

Antama'na Haman, nakanamo karaenga ri ia, “Nia' tau ero' kusare pammatei pappakala'biri' lompo. Apa musti kugaukang untu' ia?” Nakanamo ri nawa-nawanna Haman, “Inai maraeng lanisare pammatei pappakala'biri' kammaya anjo lompona ri karaenga? Mattantu inakke!”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.