ESTER 6:6 - KITTA' MATANGKASA'

⁶ Antama'na Haman, nakanamo karaenga ri ia, “Nia' tau ero' kusare pammatei pappakala'biri' lompo. Apa musti kugaukang untu' ia?” Nakanamo ri nawa-nawanna Haman, “Inai maraeng lanisare pammatei pappakala'biri' kammaya anjo lompona ri karaenga? Mattantu inakke!”

ESTER 6:6 Iomraidhean Croise

ESTER 1:15

Nakanamo karaenga mae ri anjo tujua tau, “Le'baki kusuro palayang-palayangku mange ri Ratu Wasti untu' assuroi battu mae ri nakke. Mingka taerokai. Manuru' atorang, apa musti nigaukang mae ri ia?”

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

ESTER 6:11

Mangemi Haman angngallei anjo pakeanga siagang jaranga, nampa napipakei anjo Mordekhai siagang anjo pakeanga. Le'baki nai' Mordekhai ri anjo jaranga, a'lampami Haman anrurungangi siagang tau jaia allalo ri paranna kotaya. Akkiok-kio'mi angkana, “Ciniki, kammaminne carana karaenga ambilang lompoi tau napakala'birika!”

ESTER 6:5

Appialimi anjo sikamma palayanga ri karaenga, angkana, “Niakai Haman ri balla' karaenga siagang eroki andallekang ri katte.” Nakanamo karaenga, “Suroi antama.”

ESTER 6:7

Jari appialimi angkana, “Kipangngalleangi anjo taua pakeang kalompoang biasaya kipake kalenta. Nampa anjo jaranta nibelo-beloi siagang gambarang-gambarang kakaraengang.

ESTER 6:9

Se're tumalompona pa'rasanganga, ia battua ri golongang karaenga, musti ampipakei anjo tau eroka kipakala'biri'. Nampa nierang anjo taua nirurungang ri taua andongkoki jaranna karaenga allalo ri parang lompona kotaya. Anjo tumalompona pa'rasanganga la'jappai ri dallekanna akkiok-kio' angkana, ‘Kammaminne batena karaenga ambilang lompoi tau napakala'birika!’ ”

PAMMUJI 35:27

Poro tu eroka ancinikka' nipattojeng akkio' rannu siagang ma'reja-reja. Poro a'mole-molei ke'nanga angkana, “Malompo tojenna Batara! Nakaerokangi kasalamakkanna atanNa!”

PANGNGEBARANG 1:32

Tau tenaya pangalamanna lamatei lanri tanajampangia', kammayatompa tau toloa laancuruki lanri tanajampangia'.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

PANGNGEBARANG 30:13

Nia' tau nakanai kalenna baji' sikali, teai sipato' baji'na!

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

LUKAS 14:9

Na punna battu anjo taua tarpassa lanasuro mako patanna pa'gaukang a'lette' ammempo nakana, ‘Kipammopporang mama' naki'lette' ammempo, nasaba' anne kaderaya le'ba'mi nipasadiang anjo toana beru battua.’ Jari tarpassa lasiri'-siri' mako, nampa a'lettekko mange ri pammempoang ri boko dudua.

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.