ESTER 6:4 - KITTA' MATANGKASA'

⁴ Akkuta'nammi karaenga angkana, “Inai pagaweku nia' kamma-kamma anne ri balla' karaenga?” Anjo wattua sitabangi beru antama Haman ri parang lakkenna balla' karaenga; eroki appala' ising ri karaenga untu' anggentungi Mordekhai ri anjo tampa' panggentungang le'baka napaenteng.

ESTER 6:4 Iomraidhean Croise

ESTER 4:11

“Sikamma taua, baji' nabura'ne yareka baine, ia tenaya nanisuro kioki nampa mange andallekang ri karaenga lalang ri parang lakkenna balla' karaenga, musti nihukkung matei. Anjo undang-undang, siagang sikontu taua appakkaramula battu ri tumailalanna karaenga sa'genna mae ri ra'yaka ri sikontu propinsia, naasseng ngasengi anjo passalaka. Se'reji bawang cara nakkulle ta'lappasa' taua battu ri anjo undang-undanga, iamintu punna napajonjo takkang bulaenna karaenga mae ri anjo taua. Punna kamma anjo, lasalamaki. Mingka nia'ma' sibulang anne tale'baka nakio' karaenga.”

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

ESTER 5:14

Nalangngereki bainenna siagang sikamma agang-aganna akkana kamma anjo Haman, nakanamo ke'nanga, “Assuro pare' mamako tampa' pa'gentungang ruampuloa metere' tinggina. Nampa ammukona, ri bari'basaka, appala' isingko mae ri karaenga untu' anggentungi Mordekhai ri anjo tampa' panggentunganga. Lanri kammana anjo akkulle mako mange ri anjo parjamuanga siagang sannang pa'mai'.” Baji' sikali panggappana anjo ke'nanga turu' ri panggappana Haman. Jari nasuromi linta' taua ampareki anjo tampa' panggentunganga.

ESTER 6:3

Akkuta'nammi karaenga angkana, “Pappakala'biri' apa siagang pa'balasa' jasa apa le'ba' nisareangi Mordekhai?” Appialimi sikamma anjo palayanga angkana, “Tena apa-apa nisareangi.”

ESTER 6:5

Appialimi anjo sikamma palayanga ri karaenga, angkana, “Niakai Haman ri balla' karaenga siagang eroki andallekang ri katte.” Nakanamo karaenga, “Suroi antama.”

ESTER 7:9

Nampa nakanamo Harbona, iamintu kalase'renna anjo palayanga, “O, karaeng, ri ampi' balla'na Haman nia' tampa' panggentungang ruampulo metere' tinggina. Le'baki napaenteng Haman anjo panggentunganga untu' anggentungi Mordekhai, tau le'baka ampasalamaki nyawata.” Nampa naparentakammo karaenga angkana, “Gentungi Haman anjoreng ri tampa' panggentunganga anjo!”

PAMMUJI 2:4

A'mele'mi Batara ri empoang kala'biranNa ri suruga nacau-cau rancanana ke'nanga.

PAMMUJI 33:19

Napasalamaki ke'nanga battu ri kamateanga, na Natallassi ke'nanga ri wattu kacipuranga.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.