ESTER 6:3 - KITTA' MATANGKASA'

³ Akkuta'nammi karaenga angkana, “Pappakala'biri' apa siagang pa'balasa' jasa apa le'ba' nisareangi Mordekhai?” Appialimi sikamma anjo palayanga angkana, “Tena apa-apa nisareangi.”

ESTER 6:3 Iomraidhean Croise

PA'JARIANG 40:23

Mingka anjo pangngurusu' inunganga nakaluppaimi Yusuf. Takkaluppa sikalimi ri Yusuf.

ESTER 6:2

Nia'mo nigappa lalang nicata' angkanaya le'baki nalaporo' Mordekhai usaha eroka ambunoi karaenga, ia narancanakanga Bigtan siagang Teres, iamintu ruaya tau nisare tugasa' anjagai kamara'na karaenga.

ESTER 6:4

Akkuta'nammi karaenga angkana, “Inai pagaweku nia' kamma-kamma anne ri balla' karaenga?” Anjo wattua sitabangi beru antama Haman ri parang lakkenna balla' karaenga; eroki appala' ising ri karaenga untu' anggentungi Mordekhai ri anjo tampa' panggentungang le'baka napaenteng.

KATO'BA 9:15

Ri anjo kotaya nia' se're tu kasi-asi mingka cara'deki. Akkullei napasalama' anjo kotaya. Mingka lanri kasi-asi, linta'mi nikaluppai jasana siagang tenamo manna sitau angngu'rangi.

DANIEL 5:16

Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 5:29

Naparentakammi linta' Belsyazar pagawena sollanna napipakei Daniel juba cura' lame butung siagang nipatabai rante bulaeng kallonna. Nampa naangka' a'jari tukoasa makatallu lalang ri kakaraenganna.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”